लहानस्थित सिग्राही मटियर्वामा लुटपाट

सुरक्षा-अपराध

गृहपृष्ठ
सुरक्षा-अपराध
लहानस्थित सिग्राही मटियर्वामा लुटपाट

लहानस्थित सिग्राही मटियर्वामा लुटपाट

मंगलबार, वैशाख २८, २०७८ रासस

लहान । सिरहाको लहान नगरपालिका–१ सिग्राही मटियर्वास्थित इन्द्रदेव ठाकुरको घरबाट ठूलो परिमाणमा धनमाल लुटपाट भएको हो ।

मध्यरात सात-आठ जनाको समूहमा आएका लुटेरा समूहले नगद रु. ६ लाख र गरगहनासमेत गरी करीब रु १० लाख मूल्य बराबरको धनमाल लुटेर लगेको पीडित परिवारले बताएको छ ।

लुटेराहरू भरेङ्गको सहायताले छत हुँदै घरमा प्रवेश गरेको र आफ्ना दुई छोराको कञ्चटमा पेस्तोल राखी दराजको साँचो खोसेर नगद रु ६ लाख र छोरी–बुहारीले लगाएको २ तोला जति सुन र २० तोला चाँदी लुटेर लगेको ठाकुरले जानकारी दिए ।

लुटेराले घरका सबै सदस्यको मोबाइल कब्जामा लिएका थिए। केही बोले मारिदिने धम्की दिएको ठाकुरले समयमा प्रहरीलाई खबर गर्न नसकिएको ठाकुरको भनाइ छ ।

लुटेराहरू गइसकेपछि मात्रै घटनाबारे छिमेकी र प्रहरीलाई जानकारी गराएको उनले बताए। सूचना पाएलगत्तै प्रहरी टोली घटनास्थल पुगेको र घटना सम्बन्धमा अनुसन्धान भइरहेको इलाका प्रहरी कार्यालय लहानका प्रहरी नायब उपरीक्षक डा. तपनकुमार दाहालले जानकारी दिए। लुटपाटमा संलग्नहरूको खोजी भइरहेको प्रहरीले जनाएको छ ।

प्रकाशित मिति: मंगलबार, वैशाख २८, २०७८ १६:३३

प्रतिक्रिया दिनुहोस्