कोरोनाको औषधी भन्दै बिक्री गर्दै हिंडेका २ जना नेपालगन्जबाट पक्राउ

सुरक्षा-अपराध

गृहपृष्ठ
सुरक्षा-अपराध
कोरोनाको औषधी भन्दै बिक्री गर्दै हिंडेका २ जना नेपालगन्जबाट पक्राउ

कोरोनाको औषधी भन्दै बिक्री गर्दै हिंडेका २ जना नेपालगन्जबाट पक्राउ

बुधबार, वैशाख २९, २०७८ बागेश्वरी पोस्ट

नेपालगन्ज ।नेपालगन्जबाट कोरोनाको औषधी भन्दै बिक्री गर्दै गरेका दुई जनालाई बाँके प्रहरीले पक्राउ गरेको छ।

नेपालगन्जको वडा नम्बर ११ श्रृष्ट्रीहल नजिकै केही व्यक्तिहरुले कोरोनाको औषधी बिक्री गर्दैछन् भन्ने बिशेष सूचनाका आधारमा वडा प्रहरी नेपालगन्जका प्रमुख प्रहरी निरीक्षक डिल्ली बहादुर खड्काको कमान्डको टोलीले दुईजनालाई औषधीसहित पक्राउ गरेको हो।

पक्राउ पर्नेमा नेपालगन्ज वडा नं ८ वस्ने वर्ष २३ का मोहम्मद जावेद अन्सारी र नेपालगन्ज वडा नं.११ वस्ने वर्ष २५ का हारुण अन्सारीलाई रहेको बाँके प्रहरीले जानकारी दिएको छ।

प्रहरीले उनीहरुको साथबाट मेड इन बङ्गलादेश लेखेको निनाभिर २ भाईल (प्रति भाईल १०० एमजी) बरामद गरेको हो।

पक्राउ परेका दुबै जना सँग थप अनुसन्धान गरिरहेको जनाएको छ।

प्रकाशित मिति: बुधबार, वैशाख २९, २०७८ २२:०७

प्रतिक्रिया दिनुहोस्