सवारी ज्यान मुद्दामा फरार रहेका वडाध्यक्ष पक्राउ

सुरक्षा-अपराध

गृहपृष्ठ
सुरक्षा-अपराध
सवारी ज्यान मुद्दामा फरार रहेका वडाध्यक्ष पक्राउ

सवारी ज्यान मुद्दामा फरार रहेका वडाध्यक्ष पक्राउ

शुक्रबार, वैशाख ३१, २०७८ बागेश्वरी पोस्ट

नेपालगन्ज । सवारी ज्यान मुद्दामा फरार रहेका एक जना वडाध्यक्षलाई प्रहरीले पक्राउ गरेको छ। सर्लाहीको बरहथवा नगरपालिका १३ का वडाध्यक्ष जयनारायण यादवलाई प्रहरीले पक्राउ गरेको छ । बैशाख २५ गते साँझ बरहथवा नगरपालिका ३ भगवतीपुरको भित्री सडकखण्ड हुँदै सहिदपुरतर्फ जाँदै गरेका वडाध्यक्ष यादवले चलाएको बि आर ३० एस ९२४५ नम्वरको मोटरसाइकलले सोही ठाउँका ४ वर्षीय बालक आदित्य महतोलाइ ठक्कर दिएको थियो ।

मोटरसाइकलको टक्करबाट गम्भीर घाइते भएका बालकको उपचारकै क्रममा मृत्यु भएको थियो । बालकको मृत्युपछि फरार रहेका वडाध्यक्ष यादवलाई बैशाख ३० गते दिउँसो प्रहरीले पक्राउ गरेको हो ।

पक्राउ परेका यादवलाई जिल्ला अदालत सर्लाहीबाट पहिलो पटक ६ दिनको म्याद थप गरी अनुसन्धान भइरहेको प्रहरीले जानकारी दिएको छ ।

प्रकाशित मिति: शुक्रबार, वैशाख ३१, २०७८ ०९:१८