डुडुवा जङ्गलमा पाटे बाघ मृत फेला

सुरक्षा-अपराध

गृहपृष्ठ
सुरक्षा-अपराध
डुडुवा जङ्गलमा पाटे बाघ मृत फेला

डुडुवा जङ्गलमा पाटे बाघ मृत फेला

आइतबार, जेठ २, २०७८ बागेश्वरी पोस्ट

नेपालगन्ज । बाँकेमा वयस्क अवस्थाको एक पाटे बाघ मृत अवस्थामा फेला परेको छ ।

बाँकेको डुडुवा गाउँपालिका वडा नम्बर ५ स्थित गोकुल सामुदायिक वनको खण्ड ५ मा पर्ने खैरी वन क्षेत्रमा मृत अवस्थामा रहेको अन्दाजी १० बर्षको वयस्क भाले पाटे बाघ फेला परेको डिभिजन वन कार्यालय बाँकेका सहायक वन अधिकृत रमेश बुढाथोकीले जानकारी दिए ।

९ फिट ५ ईन्च लम्बाई भएको उक्त बाघ १४/१५ दिन पहिलेनै मरेको हुनसक्ने बुढाथोकीले बताए ।

मृत अवस्थामा भेटिएको उक्त पाटे बाघको जीउ फुलेर डम्म भएको, किराहरु परेको, झिङ्गा भन्किएका, छालाको केहि भाग सडेगलेर रौं खुइलिएको छ ।

अगाडीको चारवटै दाह्रा काटेर लगेको र जुङ्गाहरु झिकिएको र बाघको शरीरको कुनै पनि भागमा चोटपटक नदेखिएको, गोली वा धारिलो हतियार प्रयोग भएको नदेखिएको छ ।

चारवटै दाह्रा काटेर लगेको र जुङ्गाहरु झिकिएको अवस्थामा फेला परेको हुनाले बाघलाई कसैले बिष सेवन गराएर मारेको हुन सक्ने सहायक वन अधिकृत बुढाथोकीले जानकारी दिए ।

थप अनुसन्धान पश्चात् मात्र सम्पुर्ण कुराहरु खुल्ने उनले बताए ।

प्रकाशित मिति: आइतबार, जेठ २, २०७८ १९:२७

प्रतिक्रिया दिनुहोस्