माओवादी नेता दीपक पाण्डेमाथि गोली प्रहार

सुरक्षा-अपराध

गृहपृष्ठ
सुरक्षा-अपराध
माओवादी नेता दीपक पाण्डेमाथि गोली प्रहार

माओवादी नेता दीपक पाण्डेमाथि गोली प्रहार

बिहीबार, जेठ ६, २०७८ बागेश्वरी पोस्ट

नेपालगन्ज । नेकपा (माओवादी केन्द्र) कपिलवस्तुका नेता दीपक पाण्डेमाथि गोली प्रहार भएको छ । अपरिचित व्यक्तिले चलाएको गोली लागेर पाण्डे सहित दुईजना घाइते भएका छन् ।

गोली लागेर कपिलवस्तु घर भएका ३५ वर्षीय दिपक पाण्डे र भारत घर भएका २६ वर्षीय अयाज अख्तर मुसलमान घाइते भएको जिल्ला प्रहरी कार्यालय कपिलवस्तुका डिएसपी धर्मराज भण्डारीले बताए ।

३५ वर्षीय नेता पाण्डेको पेट र कम्मरमाथि पेस्तोलको दुईवटा गोली लागेको छ भने र अक्तरलाई १ गोली लागेको छ । घाइते दुवैको युनिभर्सल मेडिकल कलेज भैरहवामा उपचार भइरहेको डिएसपी भण्डारीले जानकारी दिएको छ। राती ११ बजे तौलिहवा–जीतपुर सडकखण्डमा पर्ने सडवा भन्ने स्थानमा पाण्डेमाथि गोली प्रहार भएको उनले बताए ।

गोली प्रहार लगत्तै दुवैलाई कपिलवस्तुमा उपचार हुन नसकेपछि रूपन्देहीको मेडिकल कलेजमा लगिएको थियो । घटनाबारे थप अनुसन्धान भइरहेको प्रहरीले जनाएको छ ।

प्रकाशित मिति: बिहीबार, जेठ ६, २०७८ १०:२७

प्रतिक्रिया दिनुहोस्