बढी भाडा असुल्ने अटोसहित ३ जना चालक बाँके प्रहरीको फन्दामा

सुरक्षा-अपराध

गृहपृष्ठ
सुरक्षा-अपराध
बढी भाडा असुल्ने अटोसहित ३ जना चालक बाँके प्रहरीको फन्दामा

बढी भाडा असुल्ने अटोसहित ३ जना चालक बाँके प्रहरीको फन्दामा

शनिबार, जेठ २२, २०७८ बागेश्वरी पोस्ट

नेपालगन्ज । नेपालगन्जका विभिन्न स्थानबाट बढी सवारी भाडा असुल्ने अटोलाई प्रहरीले नियन्त्रणमा लिएको छ।

वडा प्रहरी कार्यालय नेपालगन्जका प्रमुख प्रहरी निरीक्षक डिल्ली खड्काको कमान्डको टोलीले प्रचलित दर भन्दा बढी भाडा लिएको गुनासो आएपश्चात् आकस्मिक चेक जाँचमा ३ जना चालकसहित अटोलाई नियन्त्रणमा लिएको हो।

प्रचलित भाडा दर भन्दा अत्याधिक भाडा असुल गरी यात्रु ओसार पसार गरेका भे १ ह ३३५२,भे १ ह ५४५३ र भे १ ह २८२० नम्बरका वटा अटोसहित चालकहरुलाई पक्राउ गरि वडा प्रहरी कार्यालय नेपालगन्ज लगिएको जिल्ला प्रहरी कार्यालय बाँकेले जानकारी दिएको छ।

कुनै पनि अटोले प्रचलित भाडा दर भन्दा बढी पैसा लिएको खण्डमा तत्काल प्रहरीलाई खबर गर्न जिल्ला प्रहरी बाँकेले अनुरोध गरेको छ। शुक्रबार दिउँसो नियन्त्रणमा लिएका अटो र चालकहरुलाई राती मात्र छोडिएको प्रहरीले जानकारी दिएको छ।

प्रकाशित मिति: शनिबार, जेठ २२, २०७८ ११:०७