बाँकेमा ब्राउन सुगरसहित ४ जना पक्राउ

सुरक्षा-अपराध

गृहपृष्ठ
सुरक्षा-अपराध
बाँकेमा ब्राउन सुगरसहित ४ जना पक्राउ

बाँकेमा ब्राउन सुगरसहित ४ जना पक्राउ

आइतबार, जेठ २३, २०७८ बागेश्वरी पोस्ट

नेपालगन्ज । बाँकेमा लागू औषध ब्राउन सुगरसहित ४ जना पक्राउ परेका छन् । पक्राउ पर्नेमा ३ जना महिला र १ पुरुष छन् ।
‍‍‍‍‍‍‍‍‍‍‍‍‍‍
शुक्रवार साढे ३ बजेतिर नेपालगंज उपमहानगरपालिका २ न्युरोडस्थित सन्ध्या नास्ता पसलमा अबैध लागू औषधको कारोबार भैरहेको छ भन्ने सूचनाको आधारमा त्यहाँ पुगेको प्रहरीले उनीहरुलाई पक्राउ गरेको हो । जिल्ला प्रहरी कार्यालय बाँके तथा लागू औषध नियन्त्रण ब्युरो नेपालगंज शाखाबाट खटिएको संयुक्त प्रहरी टोलीले उक्त स्थानमा गई खानतलासी गर्दा खजुरा गाउँपालिका ८ बस्ने बर्ष ३३ की बिबा शाही, खजुराकै वडा नम्बर ४ बस्ने बर्ष ३० की गंगा खड्का, नेपालगंज उ.म.न.पा.९ बस्ने बर्ष ३५ का राजेश खटिक र बर्दिया राजापुर न.पा.वडा नं. ४ बस्न बर्ष २१ की पुजा परियारलाई पक्राउ गरेको हो ।

उनीहरुको साथबाट प्लाष्टिकले सानो पुडिया बनाई राखेको ५६ पुडिया (१२ ग्राम २०० मिलिग्राम) ब्राउन सुगर जस्तो देखिने धुलो पदार्थ र नगद रु.४१,५०० रकम बरामद गरिएको बाँके प्रहरीले जनाएको छ । नियन्त्रणमा लिइएका उनीहरूलाई जिल्ला अदालत बाँकेबाट ७ दिन म्याद थप गरी आवश्यक अनुसन्धान एवं कारवाही अघि बढाइएको जिल्ला प्रहरी कार्यालय बाँकेले जनाएको छ ।

प्रकाशित मिति: आइतबार, जेठ २३, २०७८ २१:०७

प्रतिक्रिया दिनुहोस्