राप्तीसोनारीको फत्तेपुर 'ख' प्रहरी चौकी भवनको उद्घाटन

सुरक्षा-अपराध

गृहपृष्ठ
सुरक्षा-अपराध
राप्तीसोनारीको फत्तेपुर 'ख' प्रहरी चौकी भवनको उद्घाटन

राप्तीसोनारीको फत्तेपुर 'ख' प्रहरी चौकी भवनको उद्घाटन

सोमबार, जेठ ३१, २०७८ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा प्रहरी चौकी भवनको उद्घाटन गरिएको छ।

राप्तीसोनारी गाउँपलिकाको आर्थिक सहयोगमा निर्मित प्रहरी चौकी फत्तेपुर 'ख 'को आज गाउँपालिकाका प्रमुख लाहुराम थारु र बाँके प्रहरी प्रमुख एसपी ओमबहादुर रानाले संयुक्त रुपमा उद्घाटन गरेका हुन् ।

वडा नम्बर ६ स्थित फत्तेपुर 'ख'प्रहरी चौकी एक दशक अघि अपराधिक गतिविधि बढेपछि स्थानियहरुको माग अनुसार स्थापना गरिएको थियो। सानो झुपडीबाट सुरु गरिएको फत्तेपुर 'ख' प्रहरी चौकीले आजदेखि सुविधा सम्पन्न भौतिक पुर्वाधार पाएको छ ।

राप्तीसोनारी गाउँपालिकाको आर्थिक सहयोगमा बनेको चौकीमा ब्यारेक, कार्यालय र थुनुवा कक्ष सहितका कोठाहरु रहेका छन् । प्रहरी चौकी भवन निर्माण कार्यमा वडा अध्यक्ष जनक बहादुर थारु, चौकि इन्चार्ज जंग बहादुर एमसी, प्रहरी कर्मचारी लगायत स्थानियहरु अहम भुमिका रहेको छ।

आज भएको प्रहरी चौकी भवन उद्घाटन कार्यक्रममा गाउँपालिकाकी उपाध्यक्ष धनी कुमारी खत्री, वडा अध्यक्ष जनक बहादुर थारु,ईलाका प्रहरी कार्यालय भगवानपुरका प्रमुख प्रहरी निरीक्षक बसन्त गौतम,प्रहरी चौकी प्रमुख प्रहरी सहायक निरीक्षक एमसी लगायत स्थानीयहरु उपस्थिती रहेको थियो। यसअघि अन्य स्थानमा रहेको उक्त प्रहरी चौकी अब भने नेपालगन्जदेखि नरैनापुर जाने सडक अन्तर्गत कुन्दा चोक नजिक रहेको छ।

प्रकाशित मिति: सोमबार, जेठ ३१, २०७८ १५:५७