१६ डीआईजीको सरुवा, लुम्बिनीमा मुकुन्द आचार्य

सुरक्षा-अपराध

गृहपृष्ठ
सुरक्षा-अपराध
१६ डीआईजीको सरुवा, लुम्बिनीमा मुकुन्द आचार्य

१६ डीआईजीको सरुवा, लुम्बिनीमा मुकुन्द आचार्य

सोमबार, असार ७, २०७८ बागेश्वरी पोस्ट

प्रहरी नायव महानिरिक्षक (डीआईजी) मुकुन्द राज आचार्य

नेपालगन्ज । गृह मन्त्रालयले नेपाल प्रहरीका १६ जना प्रहरी नायव महानिरीक्षक (डीआईजी)हरुको सरुवा गरेको छ।

गृह मन्त्रीस्तरीय निर्णयबाट सोमबार डीआईजीको सरुवा भएको प्रहरी प्रधान कार्यालयले जनाएको छ ।

डीआईजी धिरजप्रताप सिंह

सरुवा सूचीअनुसार केन्द्रीय अनुसन्धान ब्युरो सीआईबीको जिम्मेवारी डीआईजी धिरजप्रताप सिंहले पाएका छन् । उनी प्रदेश नम्बर २ प्रहरी कार्यालयको नेतृत्व गरिरहेका थिए ।

हाल सीआईबीमा रहेका डीआईजी सहकुल थापाको प्रहरी प्रधान कार्यालयको प्रदेश समन्वय निर्देशनालयमा सरुवा भएको छ ।

गृहले सातवटै प्रदेशका प्रहरी प्रमुख पनि परिवर्तन गरेको छ । प्रदेश १ मा अरुणकुमार वीसी, प्रदेश २ मा उमेश रञ्जितकार, बागमतीमा प्रकाशजंग कार्की, गण्डकीमा दिवेश लोहनी र लुम्बिनीमा मुकुन्द आचार्य पठाइएका छन् । कर्णालीमा गणेशबहादुर ऐर र सुदूरपश्चिममा पुरुषोत्तम कँडेल पठाइएका छन् ।

प्रकाशित मिति: सोमबार, असार ७, २०७८ १८:२६