बर्दियाका नाकामा सशस्त्र प्रहरीको कडा निगरानी, अवैध सामाग्री धमाधम समातिदै

सुरक्षा-अपराध

गृहपृष्ठ
सुरक्षा-अपराध
बर्दियाका नाकामा सशस्त्र प्रहरीको कडा निगरानी, अवैध सामाग्री धमाधम समातिदै

बर्दियाका नाकामा सशस्त्र प्रहरीको कडा निगरानी, अवैध सामाग्री धमाधम समातिदै

सोमबार, असार १४, २०७८ बागेश्वरी पोस्ट

नेपालगन्ज । सशस्त्र प्रहरी बर्दियाले भारतबाट ल्याइदै गरिएको ठुलो परिमाणमा अवैध सामाग्री बरामद गरेको छ । सशस्त्र प्रहरी बल नम्बर ३१ गण बर्दियाका मातहतमा रहेका बिओपी तथा फरवार्ड बेशबाट खटिएको टोलीले गएराती भारतबाट नेपाल ल्याउदै गरिएका अवैध सामाग्री बरामद गरिएको एसपी नर बहादुर रावतले जानकारी दिएका छन् ।

एसपी रावतका अनुसार बरामद गरिएका अवैध सामाग्रीमा किराना सामाग्री तथा पशुचौपया रहेका छन् । बरामद गरिएका अवैध सामाग्रीको मूल्य सतासी हजार पाँच सय दश रुपैयाँ रहेको एसपी रावतले बताए । बरामद गरिएका सबै अवैध बस्तु तथा सामाग्रीलाई छोटी भन्सार कार्यालय बुझाइएको छ। सशस्त्र प्रहरी बल बर्दियाले नेपाल मार्फत सीमा सुरक्षाको चुस्त व्यवस्थापन गर्ने दिर्घकालिन निति तथा कोभिड-१९ संक्रमण नियन्त्रणमा अहम भुमिका खेल्दै आएको छ ।

त्यस्तै सशस्त्र प्रहरीले अबैध रुपमा सीमावर्ति क्षेत्रमा हुन सक्ने आवत जावत¸ चोरी तस्करी नियन्त्रण गर्दै सीमा सुरक्षालाई चुस्त तथा प्रभावकारी व्यवस्थापन गर्दै आएको छ । सशस्त्र प्रहरी बल बर्दियाले सीमावर्ति ईलाकामा हुने अपराधिक गतिबिधिहरु न्युनिकरण गरि शान्ति सुरक्षा प्रदान गर्नुका साथै भारतबाट हुने चोरी तस्करीलाई नियन्त्रण गर्दै आएको छ ।

प्रकाशित मिति: सोमबार, असार १४, २०७८ ०९:५१

प्रतिक्रिया दिनुहोस्