जङ्गली बँदेल मार्न लगाइएको करेन्ट लागेर दाजुभाइको मृत्यु

समाचार

गृहपृष्ठ
समाचार
जङ्गली बँदेल मार्न लगाइएको करेन्ट लागेर दाजुभाइको मृत्यु

जङ्गली बँदेल मार्न लगाइएको करेन्ट लागेर दाजुभाइको मृत्यु

बिहीबार, साउन २१, २०७८ बागेश्वरी पोस्ट

नेपालगन्ज ।जङ्गली बँदेलका लागि छाडिएको करेन्ट लागेर बैतडीमा दुई दाजुभाइको मृत्यु भएको छ । मृत्यु हुनेमा जिल्लाको सुर्नया गाउँपालिका–५ स्वालीका २१ वर्षीय सन्तोष चन्द र १८ वर्षीय अमृत चन्द रहेका छन् ।

बुधबार राति पौने ११ बजे घर नजिकै रहेको मकैबारीमा जङ्गली बँदेलका लागि छाडिएको बिजुलीको तारबाट करेन्ट लागेर दुवैको मृत्यु भएको बैतडीका प्रहरी निरीक्षक बोधराज ओझाले जानकारी दिए । उनले भने, “जङ्गली बँदेल मार्नका लागि मकैबारीमा करेन्ट छाडिएको रहेछ, उनीहरु बँदेल धपाउन मकैबारी गएका बेला करेन्ट लागेको भन्ने बुझिएको छ ।” करेन्ट लाग्ने बित्तिकै दुवैको घटनास्थलमै मृत्यु भएको प्रहरीले जनाएको छ। मृतक दुवै सहोदर दाजुभाइ हुन् ।

घटनाको थप अनुसन्धानका लागि इलाका प्रहरी कार्यालय पाटनका इञ्चार्ज, प्रहरी निरीक्षक राजेश शाही नेतृत्वको टोली घटनास्थलतर्फ खटाइएको छ । जिल्लाका सबैजसो स्थानमा लगाइएको मकैबाली जङ्गली जनावरले नष्ट गर्न थालेकाले किसानलाई मकैबाली जोगाउन धौधौ परेको छ ।

प्रकाशित मिति: बिहीबार, साउन २१, २०७८ ०९:०१

प्रतिक्रिया दिनुहोस्