कैलालीको भासुभीरमा जीप दुर्घटना हुँदा २ जनाको मृत्यु

समाचार

गृहपृष्ठ
समाचार
कैलालीको भासुभीरमा जीप दुर्घटना हुँदा २ जनाको मृत्यु

कैलालीको भासुभीरमा जीप दुर्घटना हुँदा २ जनाको मृत्यु

बिहीबार, साउन २८, २०७८ बागेश्वरी पोस्ट

नेपालगन्ज । कैलालीमा जीप दुर्घटना हुँदा दुई जनाको मृत्यु भएको छ । दुर्घटनामा तीन जना घाइते भएका छन् । धनगढीबाट डोटीको जाँदै गरेको जीप धनगढी -डडेलधुरा (भीमदत्त)राजमार्गअन्तर्गत कैलालीको भासुभीर सडक खण्डमा बुधबार साँझ प्रदेश ३-०१-००२३ च ९०५९ नम्बरको जीप दुर्घटना हुँदा दुई जनाको मृत्यु भएको प्रहरीले जानकारी दिएको छ।

प्रहरीका अनुसार दुर्घटनामा मृत्यु हुनेमा कैलाली चुरे गाउँपालिकाकी ३६ वर्षीया दुर्गा साउद र डोटीको जोरायल गाउँपालिकाका पाँच वर्षीया एलिसा खड्का रहेका छन्। पद्मा अस्पतालमा उपचारका लागि लैजादै गर्दा उनीहरुको मृत्यु भएको प्रहरीले जानकारी दिएको छ।

दुर्घटनामा परि घाइते हुनेमा जोरायल गाउँपालिकाका जीप चालक रमेश खड्का, आठ वर्षका बालक सुशील साउद र निर्मला खड्का रहेका छन्।

प्रकाशित मिति: बिहीबार, साउन २८, २०७८ ०८:३९