घरमा लागेको आगो निभेपछी मात्र पुग्यो नगरपालिकाको दमकल

समाचार

गृहपृष्ठ
समाचार
घरमा लागेको आगो निभेपछी मात्र पुग्यो नगरपालिकाको दमकल

घरमा लागेको आगो निभेपछी मात्र पुग्यो नगरपालिकाको दमकल

बुधबार, भदौ १६, २०७८ बागेश्वरी पोस्ट

नेपालगन्ज ।शुक्लाफाँटा नगरपालिका–१२ कालागौँडी स्थित रामप्रसाद रानाका घरमा मंगलबार राति आगलागी हुँदा लाखौँ मूल्य बराबरका धनमाल जलेर नष्ट भएका छन्। टुकीबाट आगलागी सल्किँदा झण्डै रु आठ लाख बढीको क्षति भएको जनाइएको छ ।

अन्नपात, फर्निचर, ओढ्नेओछ्याउने कपडा, महत्वपूर्ण कागजपत्र, र गहना सबै जलेर नष्ट भएको वडाध्यक्ष बाले रानाले जानकारी दिए । “टुकी बालेर घरपरिवारका सदस्य अन्यत्र गएका बेला टुकी पल्टिँदा आगलागी भएको जानकारी पाएका छौँ”, उनले भने, “घर पूरै जलेर क्षति भएको छ ।”

नगरपालिकाको दमकल आगो निभेपछि मात्रै आइपुगेको स्थानीयवासीले गुनासो गरे । घर पूरै जलेपछि पीडित परिवारसँग शरीरमा लगाएको एकसरो लुगा मात्रै बचेको छ भने उनीहरू अहिले आफन्तको शरणमा बसेका छन् ।
आगलागी पीडित रामप्रसादले सबैसँग सहयोग गर्न आग्रह गरे । रासस।

प्रकाशित मिति: बुधबार, भदौ १६, २०७८ ११:२२

प्रतिक्रिया दिनुहोस्