विङ्गर र अटो ठोक्किँदा ३ को मृत्यु,चार जना घाइते

समाचार

गृहपृष्ठ
समाचार
विङ्गर र अटो ठोक्किँदा ३ को मृत्यु,चार जना घाइते

विङ्गर र अटो ठोक्किँदा ३ को मृत्यु,चार जना घाइते

शनिबार, भदौ १९, २०७८ बागेश्वरी पोस्ट

नेपालगन्ज । कैलालीको गौरीगङ्गा नगरपालिका–४ राजीपुरमा म१ज ३१९ नम्बरको विङ्गर र से१ह २५१० नम्बरको अटो ठोक्किएर दुर्घटना हुँदा तीन जनाको मृत्यु भएको छ ।

मृत्यु हुनेमा कैलालीको घोडाघोडी नगरपालिका–९ का २४ वर्षीय युवराज चौधरी, २६ वर्षीय भिगम चौधरी र १९ वर्षीय जितेन चौधरी रहेको जिल्ला प्रहरी कार्यालय कैलालीले जनाएको छ । दुर्घटनामा चार जना घाइते भएका छन् ।

घाइते हुनेमा घोडाघोडी–९ कै अटो चालक २२ वर्षीय सुरेश चौधरी, २४ वर्षीय दीपेन्द्र चौधरी, २० वर्षीय अशान्त चौधरी र ३० वर्षीय हरि चौधरी रहेको जनाइएको छ ।

विङ्गर सहचालक कञ्चनपुरको वेदकोट नगरपालिका–१० का २५ वर्षीय धनु रावल सामान्य घाइते भएका छन् । विङ्गर चालक भने फरार रहेकाले उनको खोजीकार्य जारी रहेको जिल्ला प्रहरी कार्यालय कैलालीका प्रहरी नायब उपरीक्षक प्रतीक विष्टले बताए । रासस

प्रकाशित मिति: शनिबार, भदौ १९, २०७८ १३:०२

प्रतिक्रिया दिनुहोस्