पहिरोमा परी सुदूरपश्चिममा तीन जनाको ज्यान गयो

समाचार

गृहपृष्ठ
समाचार
पहिरोमा परी सुदूरपश्चिममा तीन जनाको ज्यान गयो

पहिरोमा परी सुदूरपश्चिममा तीन जनाको ज्यान गयो

मंगलबार, कात्तिक २, २०७८ बागेश्वरी पोस्ट

नेपालगञ्ज । पहिरोमा परी सुदूरपश्चिममा तीन जनाको ज्यान गएको छ । दुई जना घाइते भएका छन् । यस्तै बाढीमा बगेर एक जना बेपत्ता छन् ।

आइतबार राती आएको वर्षातका कारण डोटीको सायल गाउँपालिका–६ मेल्लेख बस्ने वीरबहादुर कुन्जेडाको घर भत्कँदा दुई जनाको च्यापिएर ज्यान गएको छ । कुन्जेडाका १४ वर्षीय छोरा सागर र ११ वर्षीय आशिष कुन्जेडाको ज्यान गएको हो ।

यस्तै, डडेल्धुरामा आज पहिरोमा पुरिएर एक जनाको ज्यान गएको छ । गन्यापधुरा गाउँपालिका १ भात्काँडामा पहिरोमा परी ३२ वर्षीय विष्णु अवस्थीको ज्यान गएको हो ।

डडेल्धुराको अमरगढी नगरपालिका-१ मा गएको पहिरोमा परी घाइते भएको अन्य दुई जनाको डडेल्धुरा अस्पतालमा उपचार भइरहेको प्रदेश प्रहरीका कार्यालयका प्रवक्ता प्रहरी वरिष्ठ उपरीक्षक विक्रम चन्दले बताए ।

यसैगरी, गोदावरी नगरपालिका–८ स्याउलेका ३० वर्षीय गणेश आउजी खुटिया पुलनजिकै ढुंगा निकाल्ने क्रममा खोलाले बगाएर बेपत्ता भएका छन् । उनको प्रहरी र सशस्त्र प्रहरीको टोलीले खोजी गरिरहेको छ ।

सुदुरपश्चिम प्रहरीका अनुसार पहिरोका कारण बझाङमा ३, डोटीमा १ र डडेल्धुरामा २ घर भत्किएका छन् ।

प्रकाशित मिति: मंगलबार, कात्तिक २, २०७८ १३:५३

प्रतिक्रिया दिनुहोस्