३२ यात्रु सवार बस दुर्घटना, ८ जना घाइते, चालक नियन्त्रणमा

समाचार

गृहपृष्ठ
समाचार
३२ यात्रु सवार बस दुर्घटना, ८ जना घाइते, चालक नियन्त्रणमा

३२ यात्रु सवार बस दुर्घटना, ८ जना घाइते, चालक नियन्त्रणमा

बिहीबार, माघ १३, २०७८ बागेश्वरी पोस्ट

नेपालगन्ज । ३२ यात्रु सवार बस दुर्घटनामा परेको छ । बैतडीको पाटन–पञ्चेश्वर सडकखण्ड अन्तर्गत ना७ख २५७० नम्बरको बस मेलौली नगरपालिका–२ रौतगाउँमा आज बिहान ६ बजे दुर्घटनामा परेको हो ।

दुर्घटनामा परेर आठ जना घाइते भएका जिल्ला प्रहरी कार्यालयका निरीक्षक दर्शन खड्काले जानकारी दिए । घाइते हुनेमा मेलौली–६ का कमलापति भट्ट, मेलौलीकै मनिषा चन्द, दुर्गादत्त भट्ट, शिवनाथ गाउँपालिकाकी शुशिला चन्द, शिवनाथकै जनक औजी, रामसिंह साउँद, कञ्चनपुरको बेदकोट नगरपालिका दैजीकी पुजा भट्ट र बारा घर भएका सिराज अन्सारी रहेका छन्।

घाइतेलाई उपचारका लागि डडेल्धुरा जिल्ला अस्पताल पठाइएको छ । महेन्द्रनगरदेखि मेलौलीतर्फ गइरहेको पवनदुत यातायातको उक्त बस सडकबाट २० मिटर तल खसेको छ ।

बस चालक कञ्चनपुरको शुक्लाफाँटा नगरपालिका–१ का विरेन्द्र लुहारलाई प्रहरीले नियन्त्रणमा लिएको छ । रासस

प्रकाशित मिति: बिहीबार, माघ १३, २०७८ ०९:४०

प्रतिक्रिया दिनुहोस्