सेती प्राविधिक शिक्षालयका प्रमुखमाथि छानबिन सुरु

समाचार

गृहपृष्ठ
समाचार
सेती प्राविधिक शिक्षालयका प्रमुखमाथि छानबिन सुरु

सेती प्राविधिक शिक्षालयका प्रमुखमाथि छानबिन सुरु

शुक्रबार, माघ १४, २०७८ बागेश्वरी पोस्ट

डाेटी । दिपायलकाे जोगिडाब्रेमा रहेको सेती प्राविधिक शिक्षालयका प्रमुख वीरेन्द्रबाबु यादवमाथि छानबिन सुरु भएको छ ।

कुखुरा व्यवसायीसँग रकम माग गरेको अडियो सार्वजनिक भएपछि उहाँमाथि प्राविधिक शिक्षा तथा व्यावसायिक तालिम परिषद्ले छानबिन सुरु गरेको सेती प्राविधिक शिक्षालयका शिक्षक तीर्थराज अवस्थीले जानकारी दिनुभयो ।

शिक्षालय प्रमुख यादवलाई परिषद्ले जिम्मेवारीबाट समेत हटाएको छ । छानबिन सुरु भएकाले उहाँलाई शिक्षालयको प्रमुखबाट हटाइएको बताइएको छ । यहाँ अध्ययनरत विद्यार्थीलाई कुखुरापालनबारे सिकाउन शिक्षालयले ५०० चल्ला खरिद गरेको थियो ।

कुखुराका चल्ला पठाउने व्यवसायीसँग फोनमा कमिसन मागेको अडियो सार्वजनिक भएपछि उहाँमाथि छानबिन सुरु भएको हो । शिक्षालयमा उहाँले पेन्टिङ, मसलन्द, भवन निर्माण, पेट्रोलियम पदार्थ, गाडी मर्मत, विद्यार्थी भर्ना, विद्यार्थी परिचयपत्र र पोसाकमा समेत आर्थिक अनियमितता गरेको आरोप लागेको छ । रासस

प्रकाशित मिति: शुक्रबार, माघ १४, २०७८ १२:५६

प्रतिक्रिया दिनुहोस्