जबरा सर्बोच्च फर्किदै, सुरक्षा सतर्कता बढाइयो

राजनीति

गृहपृष्ठ
राजनीति
जबरा सर्बोच्च फर्किदै, सुरक्षा सतर्कता बढाइयो

जबरा सर्बोच्च फर्किदै, सुरक्षा सतर्कता बढाइयो

आइतबार, असोज २, २०७९ बागेश्वरी पोस्ट

फाइल फोटो

नेपालगन्ज । महाअभियोग लागेर निलम्बित प्रधानन्यायाधीश चोलेन्द्रशमशेर जबराले सर्वोच्च फर्कने सूचना सर्वोच्च अदालतमा पठाएका छन् । जबरा आउने खबर आएपछि सर्बोच्च अदालतमा उच्च सुरक्षा सतर्कता अपनाइएको छ भने ठुलो संख्यामा सुरक्षाकर्मी परिचालन गरिएको छ ।

महाअभियोग सिफारिस समितिले जबराविरुद्ध महाभियोग लगाउनुपर्ने ९ बुँदे सिफारिस गरे पनि जबराले सर्वोच्चको नियमित जिम्मेवारीमा फर्कने सूचना अदालतमा पठाएका हुन् ।

जबराले आइतबारदेखि नियमित काममा फर्कन चाहेको भन्दै कामु मुख्य रजिस्ट्रार नारायण पन्थीलाई आवश्यक तयारी गर्न निर्देशन दिएका छन् ।

जबराको यस्तो निर्देशनपछि सर्वोच्चका न्यायाधीश, प्रशासन र बारका पदाधिकारीले छलफल गरि जबरालाई प्रवेश नदिन तयारी थालेका छन् ।

जबरालाई रोक्न नेपाल बार र सर्वोच्च अदालतका न्यायाधीशहरू गेटमा बस्ने तयारी थालेको बुझिएको छ ।

समितिले हिजो राति जबराविरुद्ध महाभियोग लगाउनुपर्ने ९ बुँदाको निष्कर्ष निकाल्दै सभामुख अग्निप्रसाद सापकोटालाई प्रतिवेदन बुझाएको थियो ।

जसमा रञ्जन कृष्ण कोइराला भएको कर्तव्य ज्यान मुद्दा, संवैधानिक नियुक्ति सम्बन्धी मुद्दा, सर्वोच्च अदालत निर्माण सम्बन्धी ठेका, एनसेल प्रकरण लगायतका विषय रहेका छन् ।

निलम्बित प्रधान न्यायाधीशविरुद्ध महाभियोग लगाउनुपर्ने ९ कारणहरु:

१. रञ्जन कृष्ण कोइराला भएको कर्तव्य ज्यान मुद्दामा सजाय घटाइ कानुनको गम्भीर रूपमा उल्लङ्घन गरेको ।

२.संवैधानिक नियुक्ति सम्बन्धी मुद्दालाई सुनुवाइ प्रक्रियामा नलगी न्यायाधीशले पालना गर्नु पर्ने आचारसंहिताको गम्भीर उल्लङ्घन गरेको ।

३ .संसद् विघटन सम्बन्धी मुद्दामा संलग्न पाँचै जना न्यायाधीशलाई महाभियोग लगाइदिनु भनी निजले समिति बयानका क्रममा भनेको देखिदा न्यायापालीकाले स्वतन्त्रतापूर्वक गर्नुपर्ने काम नगरी कार्यकारी मानिससँग सल्लाह गर्ने गरेको पुष्टि भएको ।

४ .सार्वजनिक खरिद ऐन, २०६३ र सार्वजनिक खरिद नियमावली, २०६४ बमोजिम सर्वोच्च अदालत निर्माण सम्बन्धी ठेकामा अन्तर्राष्ट्रिय बोलपत्र आव्हान नगरी कानुनको गम्भीर उल्लङ्घन गरेको।

५. संवैधानिक नियुक्ति सम्बन्धी बैठकमा निष्पक्ष भूमिका नखेलेको ।

६ . कानून व्यवसायी पक्ष लगायतका न्यायका उपभोक्ताले अदालत प्रति विश्वास हुन नसक्ने वातावरण न्यायपालीकाको स्वतन्त्रतामाथि प्रश्न चिन्ह खडा भएको ।

७. कृष्णमानविरुद्ध हंसमान सिंहको मुद्दा प्रेरणा शाहको मुद्दा, वीरगञ्जको सार्वजनिक पोखरी सम्बन्धी, क्यासीनोको सञ्चालन तथा राजश्व सम्बन्धी मुद्दा, एनसेलको कर छलीको मुद्दा लगायतमा कानुनको व्याख्यामा गम्भीर त्रुटि गरेको गरेको ।

८. प्रधानन्यायाधीश नियुक्ति हुनु पूर्व भएको संसदीय सुनुवाइमा गरेका प्रतिबद्धता पूरा गर्न नसि जिम्मेवारी र कर्तव्य पूरा गर्न नसकेको ।

९. न्याय प्रशासनको अन्तिम जिम्मेवारी लिने संवैधानिक व्यवस्था बमोजिमको कर्तव्य पूरा गर्न नसकेको

प्रकाशित मिति: आइतबार, असोज २, २०७९ १०:१५