स्याङ्जा र बाजुरामा कांग्रेस अगाडि, दोलखमा माओवादी

आम निर्वाचन-२०७९

गृहपृष्ठ
आम निर्वाचन-२०७९
स्याङ्जा र बाजुरामा कांग्रेस अगाडि, दोलखमा माओवादी

स्याङ्जा र बाजुरामा कांग्रेस अगाडि, दोलखमा माओवादी

शनिबार, मंसिर १७, २०७९ बागेश्वरी पोस्ट

नेपालगन्ज । प्रतिनिधि सभातर्फ स्याङ्जा क्षेत्र नं. २ र बाजुरामा नेपाली कांग्रेसले अग्रता लिँदा दोलखामा नेकपा माओवादी केन्द्रका उम्मेदवार अगाडि छन् ।

प्रतिनिधि सभातर्फ स्याङ्जा २ मा कांग्रेस उपसभापति समेत रहेका धनराज गुरुङले २२ हजार ४८० मतसहित अग्रता लिएका छन् । नेकपा एमालेकी सचिव पद्मा अर्यालले २० हजार २६७ मत पाएकी छन् । राष्ट्रिय स्वतन्त्र पार्टीका टिकराज गुरुङको पक्षमा ७ हजार २३८ मत छ । गुरुङ भन्दा अर्याल २२१३ मत अन्तरले पछि छिन् ।

बाजुरामा पनि नेपाली कांग्रेसका उम्मेदवार बद्री पाण्डे ११ हजार ७३६ मतसहित अगाडि छन् । उनलाई पछ्याइरहेका नेकपा एमालेका उम्मेदवार कर्ण थापाले ८ हजार ८५२ मत पाएका छन् । उनीहरु बीचको मत अन्तर २ हजार २२४ छ । बाजुरामा कूल खसेको ६० हजार १५२ मतमध्ये २० हजार ६३६ मत गणना भइसकेको छ ।

दोलखामा माओवादी केन्द्रका गंगा कार्की (विश्व)को अग्रता कायम छ । उनले ७ हजार ९९५ मत पाएका छन् । नेकपा एमालेका बालकृष्ण शिवाकोटीले ७ हजार २९५ मत पाएका छन् । उनीहरुबीचको मत अन्तर ७०० छ ।

प्रकाशित मिति: शनिबार, मंसिर १७, २०७९ ०८:१२

प्रतिक्रिया दिनुहोस्