एथर नेपालको १५औँ 'एक्सपेरियन्स सेन्टर' नेपालगन्जमा

अर्थ

गृहपृष्ठ
अर्थ
एथर नेपालको १५औँ 'एक्सपेरियन्स सेन्टर' नेपालगन्जमा

एथर नेपालको १५औँ 'एक्सपेरियन्स सेन्टर' नेपालगन्जमा

आइतबार, भदौ २८, २०८३ बागेश्वरी पोस्ट

नेपालगन्ज । एथर नेपालले नेपालगन्जमा आफ्नो १५औँ ‘एक्सपेरियन्स सेन्टर’ सञ्चालनमा ल्याएको छ । बसपार्क रोड, न्युरोड–२ मा स्थापना गरिएको सेन्टरबाट एथरका विद्युतीय स्कुटर, प्रविधि, टेस्ट राइड तथा बिक्रीपछिको सेवाबारे जानकारी लिन सकिने कम्पनीले जनाएको छ ।

नयाँ सेन्टरमा एथर ४५० र एथर रिज्टा मोडल उपलब्ध छन् । ग्राहकले स्कुटरको डिजाइन, प्रदर्शन तथा प्रविधिको प्रत्यक्ष अनुभव लिनुका साथै टेस्ट राइड समेत गर्न सक्नेछन् ।

सेन्टर उद्घाटनको अवसरमा एथर नेपालले विशेष अफर समेत सार्वजनिक गरेको छ । जस अनुसार नगद खरिदमा ८ वर्षको ब्याट्री वारेन्टी, ईएमआई खरिदमा शून्य प्रतिशत ब्याज तथा पुरानो स्कुटर एक्सचेन्ज गर्दा ८ हजार रुपैयाँसम्मको मूल्यांकन लाभ उपलब्ध गराइनेछ । उक्त योजना असोज ३, २०८३ सम्म लागू हुने एथर नेपालका मार्केटिङ म्यानेजर सलमान खानले बताए ।

May be an image of speaker and text

सेन्टरको लुम्बिनी प्रदेशका भौतिक पूर्वाधार मन्त्री रत्न खत्रीले रिबन काटेर उद्घाटन गरेका थिए । उद्घाटन कार्यक्रममा मन्त्री खत्रीले जलवायु परिवर्तनको समस्या बढ्दै गइरहेको अवस्थामा वातावरणमैत्री विद्युतीय सवारी साधनले बजारमा थप स्थान पाउने विश्वास व्यक्त गरे ।

May be an image of one or more people, wrist watch, lighting, suit and text

कार्यक्रममा निवर्तमान मन्त्री आदेशकुमार अग्रवाल, नेपालगन्ज उद्योग वाणिज्य संघका अध्यक्ष चिरञ्जीवी ओली लगायतले शुभकामना मन्तव्य व्यक्त गरेका थिए । सेन्टर सञ्चालक दीपेन्द्र विष्टले ग्राहकको सन्तुष्टि आफूहरूको पहिलो प्राथमिकता रहेको बताए ।

एथर नेपालले देशभर ५० भन्दा बढी फास्ट–चार्जिङ स्थान तथा १० भन्दा बढी अधिकृत सर्भिस सेन्टरमार्फत ग्राहकलाई बिक्रीपछिको सेवा उपलब्ध गराउँदै आएको जनाएको छ ।

प्रकाशित मिति: आइतबार, भदौ २८, २०८३ १६:०९

प्रतिक्रिया दिनुहोस्