सहरी कोरिडोरको एकिकृत विकास रणनीति तय गर्न छलफल

स्थानीय

गृहपृष्ठ
स्थानीय
सहरी कोरिडोरको एकिकृत विकास रणनीति तय गर्न छलफल

सहरी कोरिडोरको एकिकृत विकास रणनीति तय गर्न छलफल

मंगलबार, चैत १४, २०७९ बागेश्वरी पोस्ट

नेपालगञ्ज । नेपाल सरकार सहरी विकास तथा भवन निर्माण विभाग, सहरी योजना तथा विकास केन्द्रको आयोजना तथा ग्रिड राजदेवी/रिडेक जेभी काठमाण्डौको सहजीकरणमा एक दिने अभिमुखीकरण कार्यक्रम आज सम्पन्न भएको छ ।

मध्यपश्चिम सहरी कोरिडोरको एकिकृत विकास रणनीति तर्जुमा सम्बन्धमा छलफल गर्न समन्वय समिति बाँके लगायत पालिकाका अध्यक्ष, उपाध्यक्ष तथा प्रमुख प्रशासकीय अधिकृतहरुसंग अभिमुखीकरण गरिएको हो । त्यसक्रममा बोल्दै जानकी गाउँपालिकाका अध्यक्ष छब्बन खाँले सहरी विकास मन्त्रालयले पठाएको बजेट तथा आयोजना पालिकामा आउने तर त्यसमा पालिकाको कुनै अधिकार नहुने अवस्था रहेको बताए । उनले सहरी विकास मन्त्रालयले पठाउने वजेट तथा आयोजनाको टेण्डर लगायत सबै काम उसैले आफैं गर्ने गरेको भन्दै ती कार्यक्रमहरु पालिकामार्फत हुनुपर्नेमा जोड दिए । सहरी कोरिडोर योजनाको आर्थिक पक्ष हेर्ने परामर्शदाता मदन कायतले सहरी विकास तथा भवन निर्माण विभागले देशको सहर उन्मुख क्षेत्रलाई कोरिडोरको रुपमा विकास गर्ने योजना अघि सारे अनुरुप नेपालगञ्ज, कोहलपुर र सुर्खेत क्षेत्रमा एकिकृतरुपमा कस्तो खालको रणनीति अपनाएर विकास गर्न सकिन्छ भन्ने अध्ययन थालेको बताए ।

जिल्ला समन्वय समिति बाँकेका संयोजक ज्ञानेन्द्रकुमार चौधरीको अध्यक्षतामा भएको कार्यक्रममा समन्वय समिति बाँकेका उपसंयोजक सीता कार्की, जानकी गाउँपालिकका अध्यक्ष खाँ, उपाध्यक्ष रामप्यारी यादव, निमित्त प्रमुख प्रशासकीय अधिकृत मतिन अहमद अन्सारी, डुडुवा गाउँपालिकका उपाध्यक्ष शाहिदा बानो, बैजनाथ गाउँपालिकका उपाध्यक्ष निर्मला रोकाय, खजुरा गाउँपालिकका अध्यक्ष डम्वर विक, उपाध्यक्ष मञ्जु मल्ल लगायतको उपस्थिति रहेको थियो ।

प्रकाशित मिति: मंगलबार, चैत १४, २०७९ २१:४७