नेपालगञ्जका सहकारीलाई सुधारको मौका !

स्थानीय

गृहपृष्ठ
स्थानीय
नेपालगञ्जका सहकारीलाई सुधारको मौका !

नेपालगञ्जका सहकारीलाई सुधारको मौका !

बिहीबार, जेठ २५, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकाले सहकारीहरुलाई चुस्तदुरुस्त र विश्वासिलो बनाउन अभिमुखीकरण गरेको छ । नेपालगञ्ज उपमहानगरपालिकाको नियमन क्षेत्रभित्रका सहकारी संस्थाहरुबीच चौमासिक सिकाई आदानप्रदान कार्यक्रम अन्तर्गत सहकारीहरुलाई अभिमुखीकरण गरिएको सहकारी शाखाले जनाएको छ ।

नेपालगञ्ज उपमहानगरपालिका सहकारी शाखाको आयोजना र जिल्ला सहकारी संघको सहजीकरणमा 'सहकारीको वर्तमान अवस्था र हाम्रो भूमिका' विषयक अन्तरक्रिया कार्यक्रममा सहकारीहरु जनताको विश्वास जित्ने गरी सुधारको बाटोमा जानुपर्नेमा जोड दिइएको छ । करिब ४० सहकारीका अध्यक्ष/व्यवस्थापकहरुको सहभागितामा गरिएको अन्तरक्रियामा जिल्ला सहकारी संघ बाँकेका प्रबन्ध संचालक नवराज उपाध्यायले प्रस्तुतिकरण गर्दै सहकारीको दिगोपनका लागि स्वनियमन र सुशासन जरुरी रहेको बताए ।

No description available.

सहकारी शाखा प्रमुख प्रबिणकुमार रानाले चुस्तदुरुस्त व्यवस्थापनका साथ चल्न नसकेका सहकारीहरुलाई नेपालगञ्ज उपमहानगरपालिकाले सुधारको मौका दिइरहेको बताउँदै सच्चिएर अघि बढ्न आग्रह गरे । उनले अहिलेलाई अनुगमनका क्रममा सुझावसहित सच्चिन आग्रह गरिएको तर अर्को पटक अनुगमन गर्दा नसच्चिएको पाइए कार्वाहीको प्रक्रिया अगाडि बढाइने सहकारी शाखा प्रमुख रानाले बताए । कार्यक्रममा सहकारीहरुले गरिरहेका राम्रा अभ्यास, भोगिरहेका समस्या र नेपालगञ्ज उपमहानगरपालिकाको भूमिकाका विषयमा छलफल गरिएको थियो ।

No description available.