नेपालगञ्जमा होम आइसोलेसनलाई प्रभावकारी बनाइँदै

स्थानीय

गृहपृष्ठ
स्थानीय
नेपालगञ्जमा होम आइसोलेसनलाई प्रभावकारी बनाइँदै

नेपालगञ्जमा होम आइसोलेसनलाई प्रभावकारी बनाइँदै

शनिबार, वैशाख १८, २०७८ बागेश्वरी पोस्ट

नेपालगञ्ज । नेपालगञ्जमा कोरोना सङ्क्रमितको सङ्ख्या दिन प्रतिदिन बढ्न थालेपछि घरमै आइसोलेसन बस्नेहरुको संख्या बढ्न थालेको छ ।

हाल नेपालगञ्ज उपमहानगरपालिकामा २ हजार ३ सय ६६ जना घरमै आइसोलेसनमा बसेको सम्पर्क व्यक्ति राजन शाहीले जानकारी दिनुभयो ।

नेपालगञ्ज उपमहानगरपालिकाका २३ वटा वडा मध्ये वडा नम्बर १० मा सबैभन्दा बढी ६ सय ५० जना घरमै आइसोलेसनमा बस्नुभएको छ । नेपालगञ्ज उपमहानगरपालिकाले सामान्य लक्षण सहितका विरामीलाई ह्वाइटहाउसस्थित आइसोलेसनमा राख्ने व्यवस्था गरिएको छ भने रामलिला मैदानस्थित तालिम केन्द्रमा अक्सिजन सहितको आइसोलेसन केन्द्र सञ्चालनमा छ ।

घरमै आइसोलेसनमा बसेकाहरुलाई सुरुमा सम्पर्क ब्यक्तिले स्वास्थ्य अवस्थाबारे जानकारी लिने र पछि पनि समय समयमा परामर्शको काम गर्दै आएको स्वास्थ्य शाखा प्रमुख रामवहादुर चन्दले जानकारी दिनुभयो । नेपालगञ्ज उपमहानगरपालिकाका उपप्रमुख उमा थापा मगरले होम आइसोलेसनमा बसेकाहरुको स्वास्थ्य अवस्थाबारे समय समयमा जानकारी लिई आवश्यक परामर्शमा निरन्तर खटिन स्वास्थ्यकर्मीहरुलाई निर्देशन दिइएको बताउनुभयो ।

प्रकाशित मिति: शनिबार, वैशाख १८, २०७८ १६:०३

प्रतिक्रिया दिनुहोस्