नागरिकको ज्यान बचाउन दाङका चार सांसदद्वारा राज्यको ध्यानाकर्षण

स्थानीय

गृहपृष्ठ
स्थानीय
नागरिकको ज्यान बचाउन दाङका चार सांसदद्वारा राज्यको ध्यानाकर्षण

नागरिकको ज्यान बचाउन दाङका चार सांसदद्वारा राज्यको ध्यानाकर्षण

बुधबार, वैशाख २९, २०७८ बागेश्वरी पोस्ट

नेपालगन्ज । दाङबाट लुम्बिनी प्रदेशसभामा प्रतिनिधित्व गर्ने चार जना सांसदहरुले कोरोनाका विरामीको उपचारलाई प्रभावकारी बनाउन ध्यानाकर्षण गराएका छन् ।

सार्वजनिक लेखा समितिका सभापति डिल्ली बहादुर चौधरी, प्रदेश मामिला तथा कानुन समिति सभापति दामा शर्मा तथा सांसदद्वय शंकर गिरी र अर्जुन श्रेष्ठले दाङका प्रमुख जिल्ला अधिकारी र प्रहरी प्रमुखसंग भेट गरेर बढ्दो कोरोना संक्रमणका कारण विरामीहरुको संख्या दिन प्रति दिन बढ्दै गएकाले अस्पतालको व्यवस्था गर्न, अक्सिजनको तत्काल जोहो गरी नागरिकको ज्यान जोगाउन, अक्सिजन प्लान्ट स्थापना गर्न, अस्पताल, बेड र स्वास्थ्यकर्मीको संख्या बढाएर उपचारलाई प्रभावकारी बनाउनुपर्ने तथा होम आइसोलेसनमा बसेकाहरुलाई स्थानीय स्वास्थ्यकर्मीले निगरानी गर्नुपर्ने चार सांसदले ध्यानाकर्षण गराउनुभएको हो ।

"पहिलो दायित्व अहिले नागरिकको ज्यान बचाउनु हो, कुनै कसर बाँकि नराखेर राज्यले आफ्नो सम्पूर्ण ध्यान कोभिड नियन्त्रणमा केन्द्रित गर्नुपर्छ, हामीले सिडियो र एसपीलाई भेटेर यही कुरो भनेका छौँ, जनताको ज्यान बचाउन राज्यले अरु क्षेत्रको खर्च कटौति गरेर पनि महामारी नियन्त्रण र रोकथामका लागि खर्च गर्नुपर्छ," सांसद गिरीले भन्नुभयो-"जनताले अक्सिजन र उपचार नपाएर ज्यान गुमाइरहँदा राज्य निरिह र मुकदर्शक बस्न कसरी मिल्छ ?"