बाँकेको नरैनापुरमा बाघको आक्रमणमा एक जनाको मृत्यु

स्थानीय

गृहपृष्ठ
स्थानीय
बाँकेको नरैनापुरमा बाघको आक्रमणमा एक जनाको मृत्यु

बाँकेको नरैनापुरमा बाघको आक्रमणमा एक जनाको मृत्यु

पिँठ्युको भाग खाएको अवस्थामा भेटियो शव

आइतबार, कात्तिक २८, २०७८ बागेश्वरी पोस्ट

नेपालगञ्ज । बाँकेको नरैनापुरमा बाघको आक्रमणबाट एक जनाको ज्यान गएको छ । बाघले गाईलाई पनि आक्रमण गरेको छ । बाघको आक्रमणबाट गाई चराउन जंगल गएका नरैनापुर गाउँपालिका वडा नम्वर ४ पण्डितपुर्वाका लखन गडरियाको मृत्यु भएको इलाका प्रहरी कार्यालय भोजभगवानपुरले जनाएको छ ।

२५ गते गाई चराउन जंगल गएका गडरिया नफर्केपछि स्थानीयले खोजतलास गरेका थिए । तर, उनी कतै नभेटिएपछि आफन्तले हिजो इलाका प्रहरी कार्यालय भोजभगवानपुरमा निबेदन दिएका थिए । प्रहरीले खोजी गर्दा गएराती जंगलमा गडरिया र एउटा गाई मृत भेटिएका थिए । स्थानीयले घटनास्थल वरपर बाघ कराएको सुनेको बताएका छन् ।

नरैनापुरको पर्यटकस्थल गोवद्र्धन धामदेखि ५ किलोमिटर पूर्वतिर जंगलमा गडरियाको शव फेला परेको हो । उनको पिँठ्युको भाग बाघले खाएको छ । घाँटी र शरीरका अन्य भागमा नंग्राले कोतरेको पाइएको प्रहरी निरिक्षक बसन्त गौतमले बताए । बाघले एउटा गाई समेत मारेको छ । नेपाल प्रहरी, सशस्त्र प्रहरी र स्थानीयको सहयोगमा शव फेला परेको गौतमले बताए ।

प्रहरीले गडरियाको शवलाई पोष्टमार्टमका लागि नेपालगञ्ज पठाइसकेको जनाएको छ । बाँकेको राप्तीसोनारीस्थित गाभरमा केही समय अघि मात्रै बाघको आक्रमणबाट एकजनाको मृत्यु भएको थियो ।

प्रकाशित मिति: आइतबार, कात्तिक २८, २०७८ १५:३९

प्रतिक्रिया दिनुहोस्