बाँकेलाई शैक्षिक हब बनाउन विशेष पहल गर्ने राठौरको भनाई

शिक्षा

गृहपृष्ठ
शिक्षा
बाँकेलाई शैक्षिक हब बनाउन विशेष पहल गर्ने राठौरको भनाई

बाँकेलाई शैक्षिक हब बनाउन विशेष पहल गर्ने राठौरको भनाई

सोमबार, असार १८, २०८० गौरब गिरी

नेपालगञ्ज । नेपाली कांग्रेसका सहमहामन्त्री किशोरसिंह राठौरले बाँके जिल्लालाई शैक्षिक हब बनाउन विशेष पहल गर्ने बताएका छन् । आज नेपालगञ्जमा लुम्बिनी प्राबिधिक बिश्वबिद्यालयको प्रथम बार्षिक उत्सव कार्यक्रमलाई सम्बोधन गर्दै राठौरले साविक मध्य र सुदुरपश्चिमको गन्तव्यका रुपमा रहेको बाँके जिल्लालाई सरकारले शैक्षिक हबका रुपमा विकास गर्न विशेष ध्यान दिनुपर्ने बताए ।

बाँके क्षेत्र नम्बर ३ बाट निर्वाचित सांसद समेत रहेका राठौरले लुम्बिनी प्राविधिक विश्वविद्यालयले गरिब र निम्न वर्गको शिक्षा आर्जनमा टेवा पुर्याउने बताए । पछिल्लो समय प्राविधिक शिक्षाको आवश्यकताबारे बोल्दै राठौरले कोरा शिक्षाले बेरोजगार उत्पादन गर्ने भन्दै अहिलेको आवश्यकता प्राविधिक शिक्षा नै भएको जिकिर गरे ।

लुम्बिनी प्रदेशका मुख्यमन्त्री डिल्लीबहादुर चौधरीले यो विश्वविद्यालय लुम्बिनी प्रदेशको गौरवको योजना भएकोले यसलाई आवश्यक बजेट तथा नीति निर्माणमा प्रदेश सरकारको ध्यान रहने बताए । कार्यक्रममा लुम्बिनी प्रदेशका पूर्व मुख्यमन्त्री कुलप्रसाद केसी, प्रतिनिधिसभा सदस्य दिपा शर्मा, लुम्बिनी प्रदेश सामाजिक विकास मन्त्री चन्द्रकेश सिके गुप्ता, प्रदेशसभा सदस्य सञ्जुकुमारी थारु लगायत बाँके, बर्दियाका स्थानीय तहका प्रमुख उपप्रमुख, अध्यक्ष उपाध्यक्ष, राजनैतिक दलका प्रतिनिधि, विभिन्न संघसंस्थाका पदाधिकारी लगायतको उपस्थितिमा रहेको थियो ।

प्रकाशित मिति: सोमबार, असार १८, २०८० २१:१४