शिक्षा क्षेत्रका हस्ती ओब बहादुर डाँगीको कोरोनाबाट मृत्यु

स्वास्थ्य

Home
स्वास्थ्य
शिक्षा क्षेत्रका हस्ती ओब बहादुर डाँगीको कोरोनाबाट मृत्यु

शिक्षा क्षेत्रका हस्ती ओब बहादुर डाँगीको कोरोनाबाट मृत्यु

शनिवार, मंसिर २०, २०७७ बागेश्वरी पोस्ट

स्व.डाँगीलाई सलामी दिँदै नेपाली सेना

नेपालगञ्ज । दाङको शिक्षा क्षेत्रमा महत्वपूर्ण योगदान दिनुभएका पूर्व प्रधानाध्यापक ओब बहादुर डाँगीको कोरोना संक्रमणका कारण मृत्यु भएको छ । तुलसीपुर उपमहानगरपालिका वडा नम्बर १८ का ७० बर्षीय डाँगीको आज विहान नेपालगञ्ज मेडिकल कलेज कोहलपुरमा उपचारका क्रममा मृत्यु भएको हो ।

स्वास्थ्यमा समस्या देखिएपछि कार्तिक १४ गते नेपालगञ्ज मेडिकल कलेजमा भर्ना हुनुभएका डाँगीलाई १५ गते कोरोना पुष्टि भएको थियो । कोरोना देखिएपछि मेकिडल कलेज कोहलपुरको कोरोना आइसियूू वार्डमा उपचाररत उहाँलाई रोगको प्रकृति अनुसारको उपचार गर्दा गर्दै आज विहान ६:३० बजे मृत्यु भएको जिल्ला कोभिड-१९ संकट व्यवस्थापन केन्द्र बाँकेले जनाएको छ ।

डाँगी ३६ बर्षसम्म शिक्षण पेशामा आबद्ध रहनुभएको थियो । शिक्षण पेशाको ३६ बर्षे अवधिमा उहाँले ५ वटा बिद्यालयमा प्रधानाध्यापक रही कार्य गरिसक्नुभएको छ। दाङ जिल्लाको शिक्षा क्षेत्रमा पूर्व प्राध्यानापक डाँगी सबैको आदरका पात्र हुनुहुन्थ्यो।

प्रकाशित मिति: शनिवार, मंसिर २०, २०७७, ११:१४:००