विश्वविख्यात फूटबल खेलाडी पेलेको निधन

खेलकुद

गृहपृष्ठ
खेलकुद
विश्वविख्यात फूटबल खेलाडी पेलेको निधन

विश्वविख्यात फूटबल खेलाडी पेलेको निधन

शुक्रबार, पुस १५, २०७९ बागेश्वरी पोस्ट

नेपालगन्ज । ब्राजिलका विश्वविख्यात फूटबल खेलाडी पेलेको ८२ वर्षको उमेरमा निधन भएको छ । क्यान्सरबाट पीडित पेलेको बिहीबार अस्पतालमा निधन भएको हो । अल्बर्ट आइन्स्टाइन अस्पतालले उनको सबै अंगले काम गर्न नसकेको जनाएको अन्तर्राष्ट्रिय मिडियाहरूले उल्लेख गरेका छन् । उनले ब्राजिललाई तीनपटक विश्वकप जिताएका थिए।

चारपटक विश्वकप खेलेका उनले ६ दशक भन्दा बढी फुटबल खेलाडीको रुपमा बिताए । उनले आफ्नो २१ वर्ष लामो खेल जीवनमा विश्व कीर्तिमानी १ हजार २ सय ८१ गोल गरे । ब्राजिलका लागि ९२ खेल खेल्दै उनले ७७ गोल गरेका छन् ।

उनी तीन पल्ट विश्वकप जित्ने एक्लो खेलाडी हुन् । पेलेले सन् १९५८, १९६२ र १९७० मा विश्वकप जितेका थिए । सन् २००० मा फिफाले उनलाई दशकको खेलाडी घोषणा गरेको थियो ।पेलेको वास्तविक नाम एन्ड्रसन अरान्टस डो नासिमेन्टो हो।

प्रकाशित मिति: शुक्रबार, पुस १५, २०७९ ०७:४६