शिक्षक संघ बाँकेको अध्यक्षमा ऋषि शर्माको फराकिलो अग्रता

राजनीति

गृहपृष्ठ
राजनीति
शिक्षक संघ बाँकेको अध्यक्षमा ऋषि शर्माको फराकिलो अग्रता

शिक्षक संघ बाँकेको अध्यक्षमा ऋषि शर्माको फराकिलो अग्रता

शनिबार, चैत ४, २०७९ बागेश्वरी पोस्ट

नेपालगञ्ज । नेपाल शिक्षक संघ बाँकेको नयाँ कार्यसमिति चयनका लागि आज भएको निर्वाचनको मतगणना जारी छ । अहिलेसम्म ५०० मत भएको निर्वाचन समिति सदस्य अधिवक्ता चित्रबहादुर शाहीले बताए ।

अध्यक्षमा ऋषिराज शर्माले अग्रता लिइरहेका छन् । शर्माले ३३५ मत ल्याउँदा अर्का उम्मेदवार शेखर रावतले १५३ मत पाएका छन् । यस्तै सचिवमा चन्द्रबहादु एरीले अग्रता लिएका छन् । उनले २६७ मत र अर्का उम्मेदवार हरिप्रसाद अधिकारीले १८५ मत पाएको शाहीले जानकारी दिए । सहसचिवमा रमेशकुमार विसी २१२ मतका साथ अगाडि छन् । यस्तै प्रदिपकुमार खत्रीले १६४ र गोविन्दराज पौडेल १०९ मत पाएका छन् ।

१२५७ मतदाता रहेकोमा ९९० जनाले मतदान गरेको शाहीले जानकारी दिएका छन् । खसेको मत कुल मतको ७८.७५ प्रतिशत हो । सर्वसम्मतका लागि एक सातासम्म प्रयास भएपनि त्यो विफल भएपछि आज तीन वटा पदमा मतदान गराइएको हो । गत शनिवार नै संघको अधिवेशन उद्घाटन गरिएको थियो ।

प्रकाशित मिति: शनिबार, चैत ४, २०७९, २०:३३:००

प्रतिक्रिया दिनुहोस्