रहस्यमै दरबार हत्याकाण्डको भएको आज २० वर्ष पूरा

राजनीति

गृहपृष्ठ
राजनीति
रहस्यमै दरबार हत्याकाण्डको भएको आज २० वर्ष पूरा

रहस्यमै दरबार हत्याकाण्डको भएको आज २० वर्ष पूरा

बुधबार, जेठ १९, २०७८ बागेश्वरी पोस्ट

नेपालगन्ज । तत्कालीन राजा वीरेन्द्र शाहको वंश नै नाश हुने गरी भएको दरबार हत्याकाण्डको २० वर्ष पूरा भएको छ । २०५८ जेठ १९ गते साँझ राजदरबारभित्रै भएको हत्याकाण्डको २० वर्षसम्म पनि सत्यतथ्य घटना सार्वजनिक हुन सकेको छैन ।

नारायणहिटी राजदरबारमा भएको राजकीय भोजपश्‍चात् तत्कालीन युवराज दीपेन्द्रले परिवारमाथि गोली चलाएको र हत्या भएको उच्चस्तरीय छानबिन समितिको रिपोर्टले देखाएको थियो । तत्कालीन सभामुख तारानाथ रानाभाटले उक्त छानविन प्रतिवेदन सार्वजनिक गरेका थिए ।

कतिले राजा वीरेन्द्रलाई नै दरवार हत्याकाण्डको दोषी पनि माने । तर यसको रहस्य २० वर्ष वितिसक्दा पनि रहस्य नै छ ।

दरबारभित्र भएको गोलीकाण्डमा तत्कालीन राजा वीरेन्द्र शाहसहित रानी कोमल राज्यलक्ष्मी देवी शाह, पाँच दिनपछि राजा दीपेन्द्र, छोरी श्रृती र छोरा निराजनले ज्यान गुमाएका थिए । राजपरिवारका सबै सदस्यको एकै ठाउँमा हत्या भएको थियो ।

इतिहासकै ठूलो घटनाको रुपमा हेरिएको राजा वीरेन्द्रको बंश नाशपछि नेपालमा राजतन्त्र धेरै टिक्न सकेन । वीरेन्द्रको अवसानपछि नेपालमा ४ वर्ष राजा ज्ञानेन्द्र शाहले राजतन्त्र सम्हाले ।

त्यसपश्‍चात् भएको जनआन्दोलनपछि नेपालमा राजतन्त्र समाप्त भएको थियो ।

प्रकाशित मिति: बुधबार, जेठ १९, २०७८ ०८:३९

प्रतिक्रिया दिनुहोस्