आज पनि मतदाता परिचयपत्र वितरण हुँदै

राजनीति

गृहपृष्ठ
राजनीति
आज पनि मतदाता परिचयपत्र वितरण हुँदै

आज पनि मतदाता परिचयपत्र वितरण हुँदै

बिहीबार, वैशाख २९, २०७९ बागेश्वरी पोस्ट

नेपालगन्ज । शुक्रबार हुने स्थानीय तहको निर्वाचनका लागि नयाँ मतदाताले आज पनि मतदातालाई परिचयपत्र वितरण भइरहेको छ ।

पहिलो पटक मतदाता नामावलीमा नाम दर्ता गराएका नयाँ मतदाता र परिचयपत्र हराएको भनी सम्बन्धित जिल्ला निर्वाचन कार्यालयमा निवेदन दिएका मतदातालाई बुधबारबाट मतदानस्थलबाट मतदाता परिचयपत्र वितरण थालिएको हो ।

निर्वाचन आयोगका प्रवक्ता शालिग्राम शर्मा पौडेलका अनुसार आज परिचयपत्र वितरण गरिसकिनेछ । उनका अनुसार मतदाता परिचयपत्र वितरणसँगै मतदाता शिक्षा अन्तर्गत् मतदान गर्ने सही तरिका सम्बन्धि जानकारी दिइने गरिएको छ ।

स्थानीय तह निर्वाचनका लागि देशभर २१ हजार ९५५ मतदान केन्द्र रहेका छन् भने देशभर १ करोड ७७ लाख ३३ हजार ७२३ जना मतदाता छन् । जसमा महिला ८७ लाख ४१ हजार ७३० छन् भने ८९ लाख ९२ हजार १० जना पुरुष मतदाता छन् भने अन्यमा १८३ जना मतदाता छन् ।

प्रकाशित मिति: बिहीबार, वैशाख २९, २०७९, ११:४२:००