लूटपाटको आरोपमा वीरेन्द्रनगर-३ का वडाध्यक्ष विष्ट पक्राउ

सुरक्षा-अपराध

गृहपृष्ठ
सुरक्षा-अपराध
लूटपाटको आरोपमा वीरेन्द्रनगर-३ का वडाध्यक्ष विष्ट पक्राउ

लूटपाटको आरोपमा वीरेन्द्रनगर-३ का वडाध्यक्ष विष्ट पक्राउ

आइतबार, असार २४, २०८० बागेश्वरी पोस्ट

सुर्खेत । सुर्खेतमा केही महिना अघि मुख्यमन्त्री कार्यालयका उपसचिवलाई मुक्का हान्ने वडाध्यक्ष लूटपाटको आरोपमा पक्राउ परेका छन् ।

उपभोक्त समितिबाट रकम लुटेको आरोपमा वीरेन्द्रनगर नगरपालिका–३ का वडाध्यक्ष विनोदसिंह विष्टलाई सुर्खेत प्रहरीले आज पक्राउ गरेको हो ।

उपभोक्ता समितिको रकम गत बिहीबार नै लुटपाट गरेको आरोपमा वडाध्यक्ष विष्टलाई सघाउने सोही वडाकै बलिराज शाही र सुशिल गुरुङलाई शनिबारनै प्रहरीले पक्राउ गरेको हो ।

स्थानीय हर्कबहादुर शाहीसहित दुई जनाले वडाध्यक्ष विष्ट र अन्य दुई जना विरुद्ध शुक्रवार डाँका चोरीको जाहेरी दिएपछि शनिबार दुई जनालाई पक्राउ गरेपनि आज अदालतबाट पक्राउ पुर्जी जारी गरेर वडाध्यक्षलाई पक्राउ गरिएको सुर्खेत प्रहरी प्रवक्ता डीएसपी लक्ष्मणबहादुर शाहीले बताए ।

शाहीका अनुसार पक्राउ परेका वडाध्यक्षसहित तीनै जनालाई जिल्ला अदालत सुर्खेतबाट ४ दिनको म्याद थप गरी अनुसन्धान प्रक्रिया अगाडि बढाइएको हो ।

वडाध्यक्ष विष्टलाई सोही वडाभित्र पर्ने खोर्के खोलामा तटबन्धन बनाउने उपभोक्ता समितिबाट गत बिहीबार साढे ६ लाख रुपैयाँ लुटेको लुटेर लिएको जाहेरी दर्ता भएको छ ।

प्रकाशित मिति: आइतबार, असार २४, २०८० २०:३५

प्रतिक्रिया दिनुहोस्