विराटनगरका चौधरीको लूटपाट गर्ने उदेश्यले हत्या भएको प्रहरीको निष्कर्ष

सुरक्षा-अपराध

गृहपृष्ठ
सुरक्षा-अपराध
विराटनगरका चौधरीको लूटपाट गर्ने उदेश्यले हत्या भएको प्रहरीको निष्कर्ष

विराटनगरका चौधरीको लूटपाट गर्ने उदेश्यले हत्या भएको प्रहरीको निष्कर्ष

शनिबार, साउन ६, २०८० बागेश्वरी पोस्ट

विराटनगर । धरान-इटहरी सडक खण्डको सेउती पुल नजिकै लूटपाट गर्ने उदेश्यका साथ विराटनगर -५ का २८ वर्षीय रोहित चौधरीको गोली हानी हत्या गरिएको सुनसरी प्रहरीले निष्कर्ष निकालेको छ ।

गएराति मूलघाटबाट विराटनगर जाँदै गरेका चौधरी र उनकी केटी साथीले लगाएको सुनका गहना लुट्ने प्रयासका कारण लूटेराहरुले गोली चलाएको प्रहरीले बताएको छ ।

प्रहरीका अनुसार तीन जनाको लुटेराको समूहले सुन लुट्न खोजेपछि युवकले प्रतिकार गर्दा गोली हानेको देखिएको छ । सुन लुट्न खोज्दा चौधरीले प्रतिकार गर्दा लूटेराले हानेको गोली दाहिने कोखमा लागेको देखिएको प्रहरीले जनाएको छ ।

यस घटनामा चौधरीकी केटी साथी सामान्य घाइते भएकी छिन् । उनको बीपी कोइराला स्वास्थ्य विज्ञान प्रतिष्ठान धरानमा उपचार भइरहेको प्रहरीले बताएको छ ।

घाइते भएकी केटी साथीको बयानका आधारमा उनीहरु मुलघाटबाट फर्कने क्रममा सेउती पुल कटेपछि बाइक रोकेर पानी खान खोज्दा पानमारा तिरबाट आउने बाटोमा लुटपाटको प्रयास भएको हो ।

प्रहरीका अनुसार लागुऔषध प्रयोगकर्ताले चौधरीको हत्या गरेको प्रहरीले आशंका गरेको छ । प्रहरीले घटनाबारे थप अनुसन्धानमा जुटेको जनाएको छ भने चौधरीको हत्यामा संलग्न भएकाहरुको खोजीकार्य भइरहेको बताएको छ ।

प्रकाशित मिति: शनिबार, साउन ६, २०८० १२:४१

प्रतिक्रिया दिनुहोस्