वीर अस्पतालको माथिल्लो तलाबाट हाम फालेर एक जनाको मृत्यु

सुरक्षा-अपराध

सोमबार, भदौ १८, २०८० बागेश्वरी पोस्ट

काठमाडौं । काठमाडौंस्थित वीर अस्पतालमाथि बाट हाम फालेर एक जना पुरुषको मृत्यु भएको छ ।

आज वीर अस्पतालको छैटौं तलाबाट हाम फालेर अन्दाजी ४० वर्षीय पुरुषको मृत्यु भएको अस्पताल प्रशासनले जनाएको छ ।

मृतक पुरुषले आफू बिरामीको आफन्त भएको भन्दै अस्पतालभित्र प्रवेश गर्दै सबैभन्दा माथिल्लो तलामा गएर बिहान २/३ बजे हाम फालेको अस्पतालले जानकारी दिएको छ ।

वीर अस्पतालमा रहेका बिरामी तथा कुरुवाले मृतक पुरुष आफ्नो कोही आफन्त नभएको बताएका छन् । प्रहरीले घटना बारेमा अनुसन्धान सुरु गरेको जानकारी दिएको छ ।

प्रकाशित मिति: सोमबार, भदौ १८, २०८० १३:२३

प्रतिक्रिया दिनुहोस्