कैद मिनाह बदर भएपछि रिगलले गरे प्रहरीमा आत्मसमर्पण

सुरक्षा-अपराध

गृहपृष्ठ
सुरक्षा-अपराध
कैद मिनाह बदर भएपछि रिगलले गरे प्रहरीमा आत्मसमर्पण

कैद मिनाह बदर भएपछि रिगलले गरे प्रहरीमा आत्मसमर्पण

बिहीबार, कात्तिक १६, २०८० बागेश्वरी पोस्ट

नेपालगन्ज । राष्ट्रपतिबाट कैद मिनाहा पाएर रिहा भएका बाँकेका योगराज ढकाल (रिगल) ले प्रहरी समक्ष आत्मसमर्पण गरेका छन् ।

सर्वोच्च अदालतले रिगलको कैद मिनाहलाई बदर गर्दै आज पुनः पक्राउ गरि थुनामा पठाउन आदेश दिएको केहीबेरमै रिगलले न्यायालयको आदेश सम्मान गर्दै बाँके प्रहरीमा आत्मसमर्पण गरेका हुन् ।

रिगललाई सरकारको सिफारिसमा गत असोज ३ गते राष्ट्रपतिले आममाफी दिएका थिए।

रिगलले ०७२ असार २८ गते नेपालगञ्जको धम्बोझी चोक नजिकै चेतन मानन्धरमाथि खुँडा प्रहार गरी हत्या गरेका थिए।सरकारले रिगलको बाँकी कैद मिनाहा गर्ने निर्णयविरूद्ध चेतनकी श्रीमती भारतीले गत असोज २२ गते सर्वोच्चमा रिट दायर गरेकी थिइन्। रिगलले ११ वर्ष ११ महिना ५ दिन कैद सजाय भुक्तान गर्न बाँकी छ।

प्रकाशित मिति: बिहीबार, कात्तिक १६, २०८० १७:०६

प्रतिक्रिया दिनुहोस्