भारतीय बजार गएका दुई युवतीमाथि सामूहिक बलात्कार, चार जना लुटिए

सुरक्षा-अपराध

गृहपृष्ठ
सुरक्षा-अपराध
भारतीय बजार गएका दुई युवतीमाथि सामूहिक बलात्कार, चार जना लुटिए

भारतीय बजार गएका दुई युवतीमाथि सामूहिक बलात्कार, चार जना लुटिए

सोमबार, असार १३, २०७९ बागेश्वरी पोस्ट

नेपालगञ्ज । दाङस्थित नेपाल–भारत सीतावर्ती क्षेत्रमा दुई नेपाली युवतीमाथि सामूहिक बलात्कार भएको छ ।

आइतबार बिहान करिब ११ बजे भारतको मनिपुर बजार गएका राजपुर गाउँपालिकाका दुई युवती भारतीय युवकहरूबाट बलात्कृत भएको जिल्ला प्रहरी कार्यालय दाङले जनाएको छ ।

युवतीहरू नेपालबाट भारतको मनिपुर बजारमा जाने क्रममा सीमावर्ती क्षेत्रको दक्षिण तर्फको जंगलमा भारतीय युवाको समूहले बलात्कार गरेको जिल्ला प्रहरी कार्यालय दाङका प्रहरी नायव उपरीक्षक मुकुन्दप्रसाद रिजालले जानकारी दिए ।

६ जना युवती भारतीय बजार जाँदै थिए । ती मध्ये दुई जना बलात्कृत भएको र अन्य चार जनालाई भने भारतीय युवकले धम्काउदै सरसामान लुटपाट गरेको प्रहरीको भनार्इ छ ।

पीडित युवतीहरू प्रहरीको सम्पर्कमा आएपछि घटना बाहिर आएको हो । घटनास्थल भारतीय भूमी भएकाले उक्त घटना भारतीय प्रहरीले हेरिरहेको डिएसपी रिजालले बताए ।

डिएसपी रिजालका अनुसार पीडितले भारतीय प्रहरीमा जोहेरी दिइसकेका छन् । भारतीय प्रहरीले अनुसन्धानका लागि चार जनालाई पक्राउ गरेको जानकारी दिएको डिएसपी रिजालले बताए ।

घटनाबारे थप अनुसन्धान भइरहेको प्रहरीले बताएको छ ।

प्रकाशित मिति: सोमबार, असार १३, २०७९, १०:२६:००

प्रतिक्रिया दिनुहोस्