बाँकेको ढकेरीमा एक युवकमाथी खुकुरी प्रहार,घाइते युवकलाई काठमाडौं लगिदै

समाचार

गृहपृष्ठ
समाचार
बाँकेको ढकेरीमा एक युवकमाथी खुकुरी प्रहार,घाइते युवकलाई काठमाडौं लगिदै

बाँकेको ढकेरीमा एक युवकमाथी खुकुरी प्रहार,घाइते युवकलाई काठमाडौं लगिदै

आक्रमणकारी सबैलाई कारबाही हुनुपर्छ:पीडित शाह

आइतबार, कात्तिक ३०, २०७७ बागेश्वरी पोस्ट

कोहलपुर (बाँके )। खुकुरी प्रहारबाट बाँकेमा एक युवक घाइते भएका छन् । खुकुरी प्रहारबाट घाइते हुनेमा राप्तीसोनारी ९ ढकेरीका तिलक शाह रहेका छन् । शनिबार राती साढे १० बजेको समयमा निज शाह लगायत अन्य २ जना युवकहरुले भैलो कार्यक्रम हेर्दै गर्दा राप्तीसोनारी ९ का केशब रोकाय,केशर रोकाय,गोबिन्द शाह ,भुपेन्द्र खत्री लगायत ८/९ जनाको समुहमा आएका युवाहरुले आक्रमण गरि घाइते बनाएको घाइते शाहले बताए।आक्रमणमा शाहको बायाँ हातको बुढी औंला चुडिएको छ भने तिघ्रामा गहिरो चोट लागेको छ। घाइते भएर नेपालगन्ज मेडिकल कलेज ल्याइएका शाहलाई थप उपचारका लागि काठमाडौं रिफर गरिएको छ। आक्रमणकारीको खोजी कार्य सुरु गरेको प्रहरीले जानकारी दिएको छ। यता घाइते शाहले पिडक बिरुद्ध निबेदन दिई आफुलाई आक्रमण गर्नेलाई कडा कारबाही गर्न माग गरेका छन्। प्रहरीले आफुलाई आक्रमण गर्नेलाई पक्राउ नगरेमा प्रहरी प्रधान कार्यालयमा समेत निबेदन दिने घाइते शाहले बताएका छन् । आक्रमण केही समय अगाडीको बालुवा उत्खननको रिसिबीका कारण भएको बुझिन आएको छ।