बैतडीबाट किन हराउँछन् मानिसहरु ? ९ महिनामा मात्रै ७४ जना हराए

सुरक्षा-अपराध

गृहपृष्ठ
सुरक्षा-अपराध
बैतडीबाट किन हराउँछन् मानिसहरु ? ९ महिनामा मात्रै ७४ जना हराए

बैतडीबाट किन हराउँछन् मानिसहरु ? ९ महिनामा मात्रै ७४ जना हराए

शुक्रबार, चैत २४, २०७९ बागेश्वरी पोस्ट

नेपालगन्ज । सुदूरपश्चिमको उत्तर पश्चिममा अवस्थित भारतसँग सीमा जोडिएको बैतडीमा किन मानिसहरु बेपत्ता हुन्छन् ?

बैतडीमा चालु आर्थिक वर्षको नौ महिनामा मात्रै ७४ जना बेपत्ता भएका छन् । जिल्ला प्रहरी कार्यालय बैतडीको तथ्याङ्क अनुसार चालु आवको अहिलेसम्म ४७ महिलासहित ७४ जना बेपत्ता भएका हुन् ।

बेपत्ता भएका ४७ महिलामध्ये ३० जना फेला परेका बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिए । यस्तै १८ बालिका बेपत्ता भएकामा सात र चार बालक बेपत्ता भएकामा तीन र पाँच पुरुष बेपत्ता भएकोमा एक पुरुष मात्रै फेला परेका जिल्ला प्रहरी कार्यालय बैतडीले जनाएको छ ।

हराउने महिला तथा बालबालिकामध्ये केही प्रहरीको सक्रियतामा भेटिन्छन् भने केही आफन्तकै पहलमा भेटिने गरेका प्रहरी निरीक्षक खत्रीको भनाई छ । हराउने बेला प्रहरीलाई खबर गर्ने गरेका भए पनि धेरै जना भेट्टिएका भएपनि प्रहरीमा खबर नगर्ने पनि गरेका छन् ।

हराएकाको अझै पनि जिल्लास्थित मातहतका प्रहरी चौकी तथा छिमेकी जिल्लामा हुलिया एवं तस्वीरसहित पत्राचार गरिएको र खोजी भइरहेको प्रहरीले जनाएको छ ।

भारतसँग सीमा जोडिएको जिल्ला भएकाले सीमानाकामा पनि कडाई गरिएको छ ।

प्रकाशित मिति: शुक्रबार, चैत २४, २०७९ १४:४६

प्रतिक्रिया दिनुहोस्