घरबाट भागेर भारत जान हिंडेका रुकुम पश्चिमका ५ बालकको उद्दार

सुरक्षा-अपराध

गृहपृष्ठ
सुरक्षा-अपराध
घरबाट भागेर भारत जान हिंडेका रुकुम पश्चिमका ५ बालकको उद्दार

घरबाट भागेर भारत जान हिंडेका रुकुम पश्चिमका ५ बालकको उद्दार

आइतबार, वैशाख ३, २०८० बागेश्वरी पोस्ट

सांकेतिक तस्बिर

नेपालगन्ज । रुकुम पश्चिमबाट भारत जान भनेर घरदेखि भागेर गएका ५ जना बालकहरुलाई प्रहरीले उद्दार गरेको छ ।

नयाँ वर्षका दिन दिउँसो जिल्लाको आठबिसकोट नगरपालिका वडा नं. २ स्यालाका १३ बर्षीय कबिराम थापा, १३ बर्षीय मनोज थापा, १४ बर्षीय अब्रराम बुढा, ७ बर्षीय इशाक थापा र १३ बर्षीय अर्जुन वली घरदेखि भारत जानलाई फरार भएका थिए ।

घर परिवारका सदस्य र आफन्तहरुले नयाँ वर्ष मनाउनका लागि घर बाहिर गएको समयमा ती ५ जना बालकहरुले आपसमा सल्लाह गरी भारत जान भनेर घरबाट निस्किएको खुलेपछि खोजतलासमा प्रहरी परिचालन गरिएको थियो ।

भारत जान भनेर २ दिन जंगलमै बास बसेका उनीहरुलाई प्रहरीको खोजतलास टोलीले आज बिहान साढे ९ बजेतिर जाजरकोटतर्फ जाँदै गर्दा फेला पारेको रुकुम पश्चिमका प्रमुख नमराज भट्टराईले जानकारी दिए ।

प्रहरीका अनुसार उनीहरु घरबाट भगेको नयाँ वर्षको राति स्यालाखीको जंगलमै बास बसेको र २ गते राति ढुँगाको ओडारमा रात बिताएको उनीहरुले प्रहरीलाई जानकारी गराएका छन् ।

प्रकाशित मिति: आइतबार, वैशाख ३, २०८० ११:४६

प्रतिक्रिया दिनुहोस्