विद्यालयको शौचालयमा जलिरहेको अवस्थामा भेटिए एकाउन्टेन्ट

सुरक्षा-अपराध

शनिबार, जेठ २०, २०८० बागेश्वरी पोस्ट

नेपालगन्ज । विद्यालयको शौचालयमा जलिरहेको अवस्थामा एकाउन्टेन्ट फेला परेका छन् ।

मोरङको सुन्दरहरैँचा नगरपालिका–२ मृगौलियास्थित श्री माध्यमिक विद्यालयका एकाउन्टेन्ट शौचालयमा जलिरहेको अवस्थामा भेटिएका हुन् ।

जिल्ला प्रहरी कार्यालय मोरङका अनुसार आज बिहान ७ बजे विद्यालयका ४० वर्षीय एकाउन्टेन्ट मनिल ढकाल शौचालयमा जलिरहेको अवस्थामा फेला परेका हुन् ।

बिहान करिब सात बजे शौचालयबाट उनी चिच्याएको सुनेर स्थानीयले प्रहरीलाई खबर गरेका थिए । शौचालयमा विषको बोत्तल समेत भेटिएको छ ।

'शौचालयमा विषको बोत्तल पनि भेटिएको छ। विष सेवन गरेर आफैलाई आगो लगाएको हुनसक्ने अनुमान छ,' प्रहरीले बताएको छ ।

एकाउन्टेन्ट ढकालको शरीरको धेरै जसो भाग जलेको छ । उनको कोशी अस्पतालमा उपचार भइरहेको प्रहरीले जनाएको छ । घटना बारे प्रहरीले अनुसन्धान सुरु गरेको छ ।

प्रकाशित मिति: शनिबार, जेठ २०, २०८० ११:५३

प्रतिक्रिया दिनुहोस्