ट्याक्टरको ठक्करले मोटरसाइकल सवार एक प्रहरीको मृत्यु, अर्का जवानको अवस्था गम्भीर

सुरक्षा-अपराध

गृहपृष्ठ
सुरक्षा-अपराध
ट्याक्टरको ठक्करले मोटरसाइकल सवार एक प्रहरीको मृत्यु, अर्का जवानको अवस्था गम्भीर

ट्याक्टरको ठक्करले मोटरसाइकल सवार एक प्रहरीको मृत्यु, अर्का जवानको अवस्था गम्भीर

सोमबार, साउन १५, २०८० बागेश्वरी पोस्ट

धनगढी । मोटरसाइकललाई ट्याक्टरले ठक्कर दिँदा कैलालीमा एक जना प्रहरी जवानको मृत्यु भएको छ । दुर्घटनामा अर्का प्रहरी जवान गम्भीर घाइते भएका छन् ।

सुदूरपश्चिम् ट्राफिक प्रहरीका अनुसार पूर्व पश्चिम राजमार्ग अन्तरगत गोदावरी-३ को चौकीडाँडामा ट्याक्टरले मोटरसाइकललाई ठक्कर दिँदा प्रहरी जवान कपिल कठायतको मृत्यु भएको हो ।

आइतबार साँझ प्रहरी जवान कठायत सवार सुपप्र ०१०११ प ७३२० नम्बरको मोटरसाइकललाई सुपप्र ०१ ००२ त ६४१९ नम्बरको ट्याक्टरले ठक्कर दिँदा गम्भीर घाइते भएका उनको उपचारका क्रममा गएराती माया अस्पतालमा मृत्यु भएको ट्राफिक प्रहरीले जनाएको छ ।

त्यस्तै ठक्करबाट मोटरसाइकलको पछाडि बसेका अर्का प्रहरी जवान हेमराज ताउडाको अवस्था पनि गम्भीर रहेको ट्राफिक प्रहरीले जनाएको छ । गम्भीर घाइते हेमराजको माया मेट्रो अस्पतालमा आईसीयुमा राखेर उपचार भइरहेको छ ।

मृतक प्रहरी कठायत नेपाल प्रहरी विशेष सुरक्षा गण महेन्द्रनगरमा कार्यरत र हेमराज प्रहरी तालिम केन्द्र दिपायलमा कार्यरत प्रहरी जवान हुन् ।

ठक्कर दिने ट्याक्टर र चालकला नियन्त्रणमा लिएर थप अनुसन्धान गरिएरहेको कैलाली प्रहरीले जनाएको छ ।

प्रकाशित मिति: सोमबार, साउन १५, २०८० ०९:४८

प्रतिक्रिया दिनुहोस्