१ क्विन्टल बढी गाँजा बोकेको जीप र मोटरसाइकलसहित ६ जना पक्राउ

सुरक्षा-अपराध

गृहपृष्ठ
सुरक्षा-अपराध
१ क्विन्टल बढी गाँजा बोकेको जीप र मोटरसाइकलसहित ६ जना पक्राउ

१ क्विन्टल बढी गाँजा बोकेको जीप र मोटरसाइकलसहित ६ जना पक्राउ

शनिबार, असोज १३, २०८० बागेश्वरी पोस्ट

सुनसरी । सशस्त्र प्रहरीले १ क्विन्टल बढी गाँजा बोकेको गाडी, मोटरसाइकलसहित ४ जना भारतीय नागरिकसहित ६ जनालाई नियन्त्रणमा लिएको छ ।

कोशी प्रदेशस्थित सशस्त्र प्रहरी बल नम्बर १ बराह बाहिनीले सुनसरीको बराहक्षेत्र नगरपालिका-१ स्थित चतरापुल नजिकै बराहक्षेत्र जाने सडकखण्डबाट शुकवार अपराह्नमा करिब १२० किलो गाँजा बोकेको गाडी र मोटरसाइकलसहित ६ जनालाई नियन्त्रणमा लिएको सशस्त्र प्रहरी प्रधान कार्यालयले जनाएको छ ।

सशस्त्र प्रहरीका अनुसार पक्राउ पर्नेमा भारतका ३६ वर्षीय महोमद सिराज, २० वर्षीय अस्ताजु आलम, १९ वर्षीय नसिम आलम, ५२ वर्षीय ओमप्रकाश रजक, सुनसरी देवनागंज गाउँपालिका-५ का ३१ वर्षीय ओमप्रकाश साह र २० वर्षीय शिवम साह रहेका छन् ।

बराह बाहिनीबाट खटिएको सशस्त्र प्रहरीको टोलीले १२० किलो गाँजा बोकेर भारततर्फ जाँदै गरेको बिआर ०२ आर ९९९४ नम्बरको गाडी र स्कर्टिङ गरेको प्रदेश नं-१–०२–०५० प ६३०४ नम्बरको मोटरसाइकललाई नियन्त्रणमा लिएको हो ।

सशस्त्र प्रहरीले नियन्त्रणमा लिएको गाँजा, गाडी र मोटरसाइकलसहित ६ जनालाई आवश्यक कारबाहीका शुक्रवार नै सुनसरी प्रहरीलाई बुझाएको सशस्त्र प्रहरी प्रधान कार्यालयले जनाएको छ ।

प्रकाशित मिति: शनिबार, असोज १३, २०८० ०८:२९

प्रतिक्रिया दिनुहोस्