इन्टर मिलानलाई स्तब्ध बनाउँदै युभेन्टस शीर्षस्थानमा उक्लियो

खेलकुद

गृहपृष्ठ
खेलकुद
इन्टर मिलानलाई स्तब्ध बनाउँदै युभेन्टस शीर्षस्थानमा उक्लियो

इन्टर मिलानलाई स्तब्ध बनाउँदै युभेन्टस शीर्षस्थानमा उक्लियो

सोमबार, फागुन ५, २०७६ एजेन्सी

एजेन्सी । इटालियन सिरी ‘ए’ मा इटालियन जाइन्ट युभेन्टसले शीर्षस्थानमा पूनरागमन गरेको छ । शीर्षस्थानमा उक्लिएको युभेन्टसले २४ खेलबाट ५७ अंक जोडेको छ । समान खेल खेलेको लाजियोको ५६ अंक छ भने इन्टर मिलानको ५४ अंक छ । ब्रेसिया १६ अंक जोडेर अंकतालिकाको पुछार अर्थात् १९औं स्थानमा छ ।

आइतबार राति भएको खेलको ३७औं मिनेटमा फ्लोरिन एइले दोहोरो पहेँलो कार्ड खाएसँगै मैदान छाडे । १० खेलाडीमा सीमित ब्रेसियासँग युभेन्टसले सहज जित दर्ता गर्‍यो । ३९औं मिनेटमै पाउलो डिव्यालाले गोल गर्दै युभेन्ट्सलाई १–० को अग्रता दिलाए । ७५औं मिनेटमा जुवान कोर्डाडोले गोल गर्दै युभेन्ट्सलाई २–० को जित दिलाए ।

आइतबार राति नै भएको अर्काे खेलमा इन्टरका एस्ली योङले गरेको गोल सान्त्वना मात्र बन्यो किनकि लाजियाका लागि सिरो इमोवाइल र सेर्गेज मिलिन्कोभिक साभिकले गोल गरे ।

४४औं मिनेटमा एस्ली योङले गोल गर्दै इन्टरलाई पहिलो हाफमा १–० को अग्रता दिलाए । ५०औं मिनेटमा सिरो इमोवाइलले पेनाल्टीमा गोल गर्दै खेललाई १–१ गोलको बराबरीमा ल्याए । ६९औं मिनेटमा मिलिन्कोभिक साभिकले गोल गर्दै इन्टरलाई २–१ ले स्तब्ध पार्दै टोलीको जित सुनिश्चित गरे ।

प्रकाशित मिति: सोमबार, फागुन ५, २०७६ ०९:१६