नेपालगञ्जका सहकारीलाई 'कोपोमिस' तालिम

अर्थ

गृहपृष्ठ
अर्थ
नेपालगञ्जका सहकारीलाई 'कोपोमिस' तालिम

नेपालगञ्जका सहकारीलाई 'कोपोमिस' तालिम

आइतबार, फागुन १३, २०८० बागेश्वरी पोस्ट

नेपालगन्ज । नेपालगन्जका सहकारीलाई सहकारी तथा गरिवी निवारण व्यवस्थापन सूचना प्रणाली (कोपोमिस) तालिम दिन थालिएको छ । नेपालगन्ज उपमहानगरपालिकाको नियमन क्षेत्रभित्र रहेका सहकारी संस्थाका कोपोमिस हेर्ने कर्मचारीका लागि तीन दिने कार्यशाला गोष्ठी आयोजना गरिएको सहकारी शाखाले जनाएको छ ।

कोपोमिस एउटा सफ्टवेयर हो । यो सहकारी क्षेत्रको सूचना, तथ्यांकहरुलाई नियमित, विश्वसनीय, वास्तविक बनाई व्यवस्थापन सूचना प्रणालीमा आधारित अनुगमन, नियमन पद्धति स्थापित गर्न तयार गरिएको आधुनिक सूचना प्रणाली हो । यसले सहकारी संघ-संस्थाहरूको संचालन, ब्यवस्थापन तथा कार्यक्षमतामा अभिवृद्धि गरी जोखिमलाई न्युनीकरण गर्ने कामहरु गर्दछ । सहकारीहरुले मासिकरुपमा आफ्ना सम्पूर्ण विवरण, कार्यप्रगति लगायतका गतिविधि कोपोमिसमा अद्यावधिक गर्नुपर्दछ । जसले नियामक निकायलाई आवश्यक अनुगमन र नियन्त्रणका लागि सहयोग पुग्दछ ।

तालिममा सहकारी शाखा प्रमुख प्रविण राना, जिल्ला सहकारी संघ बाँकेका प्रबन्ध सञ्चालक नवराज उपाध्याय र नेप्स्कुन बाँकेका कार्यालय प्रमुख छत्रप्रसाद धमालाले प्रशिक्षण दिइरहेको सहकारी शाखाकी तुलसा पन्थी आचार्यले बताइन् । सहकारी संघ-संस्थाहरुका सञ्चालक र व्यवस्थापनका अधिकारीहरुका लागि कोपोमिस तालिम अत्यन्तै महत्वपूर्ण मानिन्छ । नेपालगन्ज उपमहानगरपालिकाले नगरभित्रका सहकारी संस्थाको नियमन, प्रवर्द्धन र प्रशिक्षणका कार्यक्रम आफ्नो वार्षिक तालिका अनुसार नियमितरुपमा गर्दै आएको शाखा प्रमुख रानाले बताए ।

प्रकाशित मिति: आइतबार, फागुन १३, २०८० १७:५३