शौचालयमा १५ वर्षीया किशोरीको हत्या

सुरक्षा-अपराध

गृहपृष्ठ
सुरक्षा-अपराध
शौचालयमा १५ वर्षीया किशोरीको हत्या

शौचालयमा १५ वर्षीया किशोरीको हत्या

मंगलबार, फागुन २२, २०८० बागेश्वरी पोस्ट

विराटनगर । मोरङमा शौचालय गएकी १५ वर्षीया बालिकाको हत्या भएको छ ।

खोटाङको ऐसेलुखर्क- ६ घर भई मोरङको पथरी शनिश्चरे नगरपालिका-७ लामाटोलमा रहेको आफ्नै मामाको छोराको घरमा बसेर पढ्दै आएकी १५ वर्षीया ज्ञानुकुमारी राईको हत्या भएको मोरङ प्रहरीले जनाएको छ ।

कक्षा ७ मा अध्ययन गर्दै आएकी ज्ञानु गएराति साढे १० बजे सुतिरहेको कोठाबाट घर बाहिर रहेको शौचालय गएको बेला उनको गर्धनमा खुकुरी प्रहार हुँदा घटनास्थलमै मृत्यु भएको प्रहरीले जानकारी दिएको छ ।

आक्रमण भएपछि राति एक्कासी ज्ञानु कराएको आवाज सुनेर आफन्त उठेर हेर्दा घर पछाडिको शौचालयमा पुग्दा बालिका छटपटाइरहेको देखेपछि प्रहरीलाई खबर गर्ने क्रममै मृत्यु भएको प्रहरीले बताएको छ ।

प्रहरीले प्रारम्भिक अनुसन्धानमा उनको योजनाबद्ध तरिकाले हत्या भएको देखिएको जनाएको छ । चिनजानकै हत्याराले ज्ञानु शौचालय आउने बाटो कुरेर बसेको देखिएको प्रहरीले अनुमान गरेको छ ।

प्रहरीले अनुसन्धान अघि बढाएको जनाउँदै प्रेम सम्बन्ध पनि हुन सक्ने आंशका गरेको छ ।

प्रकाशित मिति: मंगलबार, फागुन २२, २०८० १०:४३