मानव सेवा आश्रम नेपालगञ्ज शाखाको प्रगति प्रतिवेदन सार्वजनिक

समाचार

गृहपृष्ठ
समाचार
मानव सेवा आश्रम नेपालगञ्ज शाखाको प्रगति प्रतिवेदन सार्वजनिक

मानव सेवा आश्रम नेपालगञ्ज शाखाको प्रगति प्रतिवेदन सार्वजनिक

आइतबार, चैत ११, २०८० बागेश्वरी पोस्ट

नेपालगञ्ज । मानव सेवा आश्रम शाखा कार्यालय नेपालगञ्जले आर्थिक बर्ष २०७९/८० को वार्षिक आय–व्यय विवरण तथा प्रगति प्रतिवेदन सार्वजनिक (सामाजिक परीक्षण) गरेको छ । मानव सेवा आश्रम वि.सं. २०६९ सालदेखि नै सडकपेटी एवं सार्वजनिक स्थलहरुमा अति कष्टपूर्ण जीवन बिताउन विवश सहयोगापेक्षी सडक आश्रित मानवहरुको उद्धार, उपचार, पालनपोषण र संरक्षणका लागि समर्पित संस्था हो । नेपालगञ्ज-१० मा २०७९ असार २५ गतेदेखि सञ्चालनमा रहेको आश्रममा हाल ५२ जना आश्रित छन् ।

नगरका विशिष्ट व्यक्तित्व उपस्थित आजको वैठकमा आश्रमको समग्र व्यवस्थापकीय पक्ष तथा संचालित कार्यक्रम, बजेट एवं प्राप्त स्रोत साधन तथा गतिविधिबारे जानकारी दिइएको थियो । मानव सेवा आश्रम जिल्ला शाखा संयोजक उर्वीन सापकोटाले आर्थिक बर्ष २०७९/८० को वार्षिक प्रगति प्रतिवेदन प्रस्तुत गरका हुन् । प्रस्तुत प्रतिवेदन अनुसार हाल सम्म १ सय १७ जनाको उद्धार, ३३ जनाको पारिवारिक पुनर्मिलन, २९ जनाले स्वेच्छाले आश्रम छाडेका छन् ।

विभिन्न दाताको सहयोगबाट सञ्चालित आश्रम अहिले पनि वार्षिक ५ देखि ६ लाखको घाटामा रहेको देखाइएको छ । आश्रमको भवन निर्माणका लागि जग्गा दान गरेका जग्गादाता जइकेश सिंहको अध्यक्षतामा भएको कार्यक्रममा विकासका लागि नागरिक समितिका संयोजक एवं उद्योगी/व्यवसायी अगुवा कृष्णप्रसाद श्रेष्ठ, नेपालगञ्ज उद्योग वाणिज्य संघका महासचिव भिमबहादुर रानाभाट लगायतले आश्रम सञ्चालन, व्यवस्थापन लगायतका विषयमा आवश्यक सुझाव दिएका थिए ।

प्रकाशित मिति: आइतबार, चैत ११, २०८० २१:१८