झिलझिलेमा जीप र मोटरसाइकल ठोक्किँदा ३ जनाको मृत्यु

सुरक्षा-अपराध

गृहपृष्ठ
सुरक्षा-अपराध
झिलझिलेमा जीप र मोटरसाइकल ठोक्किँदा ३ जनाको मृत्यु

झिलझिलेमा जीप र मोटरसाइकल ठोक्किँदा ३ जनाको मृत्यु

बुधबार, वैशाख १२, २०८१ बागेश्वरी पोस्ट

नेपालगन्ज । तिब्र गतिमा रहेको जीप र मोटरसाइकल ठोक्किँदा तीन जनाको मृत्यु भएको छ ।

आज बिहान झापाको शिवसताक्षी नगरपालिका-८ झिलझिलेमा भएको जीप र मोटरसाइकल दुर्घटनामा तीन जनाको मृत्यु भएको जिल्ला प्रहरी कार्यालय झापाले जानकारी दिएको छ ।

झापा प्रहरीका अनुसार दमकबाट सुरुङ्गा जाँदै गरेको मे३प ५००१ नम्बरको मोटरसाइकल र विपरीत दिशाबाट आउँदै गरेको प्र.१-०१-००१च९३२९ नम्बरको जीप ठोक्किँदा मोटरसाइकल सवार तीनै जनाको मृत्यु भएको हो । मृतकहरुको सनाखत हुन नसकेको प्रहरीले जनाएको छ ।

तिब्र गतिमा आएका दुबै सवारीसाधन एक आपसमामा ठोक्किँदा गम्भीर घाइते भएका तीनै जनाको उपचारका क्रममा मृत्यु भएको प्रहरीले जानकारी दिएको छ । प्रहरीले जीप र चालकलाई नियन्त्रणमा लिएर घटनाबारे थप अनुसन्धान सुरु गरेको जनाएको छ ।

प्रकाशित मिति: बुधबार, वैशाख १२, २०८१ ०९:३५