१२ को परीक्षा दिएर फर्किंदै गरेकी एक युवतीमाथि गोली प्रहार

सुरक्षा-अपराध

गृहपृष्ठ
सुरक्षा-अपराध
१२ को परीक्षा दिएर फर्किंदै गरेकी एक युवतीमाथि गोली प्रहार

१२ को परीक्षा दिएर फर्किंदै गरेकी एक युवतीमाथि गोली प्रहार

शुक्रबार, वैशाख २१, २०८१ बागेश्वरी पोस्ट

झापा । कक्षा १२ को परीक्षा दिएर फर्किंदै गरेकी एक छात्रामाथि गोली प्रहार भएको छ । झापाको दमक नगरपालिकामा अवस्थित हिमालय माध्यमिक विद्यालयबाट परीक्षा दिएर फर्कने क्रममा परीक्षार्थी छात्रामाथि गोली प्रहार भएको झापा प्रहरीले जानकारी दिएको छ ।

कक्षा १२ को बोर्ड परीक्षा दिएर फर्कंदै गरेकी एरिका अधिकारीमाथि गोली प्रहार भएको प्रहरीले जनाएको छ । उदयपुर घर भई दमकमा डेरा गरी बस्ने अधिकारीलाई सिराहाका अमितकुमार यादवले गोली प्रहार गरेको प्रहरीले जनाएको छ ।

हाल घाइते अधिकारीको लाइफलाइन अस्पताल दमकमा उपचार भइरहेको छ । गोली हान्नुपर्ने कारण अहिलेसम्म खुलेको छैन ।

शुक्रबार बिहान करिब ११ः३० बजेको समयमा गोली प्रहार भएको हो । परीक्षा दिएर आफ्नो कोठातर्फ फर्कंदै गरेकी अधिकारीमाथि दमक ५ स्थित ज्येष्ठ नागरिक प्रतिष्ठान नजिकै गोली प्रहार भएको हो ।

उनको पेटमा एक राउन्ड गोली लागेको इलाका प्रहरी कार्यालय दमकले जनाएको छ । हाल चिकित्सकले उनको पेटबाट एउटा गोली निकालिसकेको र उनको सघन उपचार कक्ष (आइसीयु) मा उपचार भइरहेको छ । गोली प्रहार गर्नेलाई प्रहरीले पक्राउ गरेको जनाइएको छ ।

यता गोली चलेको विषयमा बुझ्न प्रहरी टोली अस्पताल पुगेको जिल्ला प्रहरी कार्यालय झापाका एसपी मिलन केसीले बताए । ‘अहिले घटनाको विस्तृत विवरण आइसकेको छैन । प्रहरीले घटना बुझ्दैछ’, एसपी केसीले भने ।

प्रकाशित मिति: शुक्रबार, वैशाख २१, २०८१ १५:५४

प्रतिक्रिया दिनुहोस्