भारतीय लोकसभा निर्वाचनमा कुन दलले कति सिट ल्याए ?

विश्व

गृहपृष्ठ
विश्व
भारतीय लोकसभा निर्वाचनमा कुन दलले कति सिट ल्याए ?

भारतीय लोकसभा निर्वाचनमा कुन दलले कति सिट ल्याए ?

बुधबार, जेठ २३, २०८१ बागेश्वरी पोस्ट

नेपालगन्ज । भारतको सन् २०२४ को लोकसभा चुनावमा भारतीय जनता पार्टी (भाजपा) ले २४० सिट जितेको छ । कुल ५४३ सिटका लागि भएको चुनावमा भाजपाले २४० सिट जित्दा भारतीय राष्ट्रिय कांग्रेस पार्टीले ९९ सिट जितेको छ । यसअघि सन् २०१९ को चुनावमा कांग्रेसले ५२ सिट मात्रै जितेको थियो ।

कुल ५४३ मा भाजपाले २४० सिट जिते पनि एकल बहुमत ल्याउन भने सकेन । तर, भाजपा नेतृत्वको सत्ता गठबन्धन (एनडीए) ले २९३ सिट जितेको हो भने कांग्रेस नेतृत्वको विपक्षी गठबन्धनले २३१ सिट जित्न पुगेको छ ।

यसअघिको चुनावमा भाजपाले एक्लै ३०३ सिट जित्दा यसपटकको चुनावमा भाजपाले पहिलाको तुलनामा ६३ सिट गुमाएको छ ।

त्यसैगरी समाजवादी पार्टीले ३७ र टीएमसीले २९ सिट जितेका छन् । द्रविड मुन्नेत्र कजगमले २२ र तेलुगु देसामले १६ तथा जनता दलले १२ सिट जिते । चुनावको परिणाम अनुसार लोकसभामा भाजपा सबैभन्दा ठूलो दल बनेकाले भाजपाकै नेता नरेन्द्र मोदीको नेतृत्वमा सरकार बन्ने देखिएको छ । तर, टीडीपीको १६, जदयुसँग १२ सिट जोड्दा २८ छ । यो दुई पार्टी सरकार बनाउन निर्णायक देखिएको छ । उनीहरुले भाजपालाई समर्थन नगरेमा भाजपाले सरकार बनाउने सम्भावना न्यून देखिएको छ ।

टीडीपीका अध्यक्ष चन्द्र बाबू नायडु र जयदु पार्टीका अध्यक्ष एवं बिहारका मुख्यमन्त्री नीतिश कुमारको समर्थन बिना भाजपाले सरकार बनाउन नसक्ने भएको छ ।

प्रकाशित मिति: बुधबार, जेठ २३, २०८१ ०९:०९