१३ वर्षीया छात्रामाथि बलात्कार गर्दै आएका शिक्षक पक्राउ

सुरक्षा-अपराध

गृहपृष्ठ
सुरक्षा-अपराध
१३ वर्षीया छात्रामाथि बलात्कार गर्दै आएका शिक्षक पक्राउ

१३ वर्षीया छात्रामाथि बलात्कार गर्दै आएका शिक्षक पक्राउ

आइतबार, असार १६, २०८१ बागेश्वरी पोस्ट

खोटाङ । खोटाङमा आफ्नै १३ वर्षीया छात्रालाई बलात्कार गरेको आरोपमा शिक्षक पकाउ परेका छन् । जिल्लाको हलेसी तुवाचुङ नगरपालिकाको एक विद्यालयकी छात्रामाथि बलात्कार गरेको अभियोगमा ५८ वर्षीय शिक्षक पक्राउ परेका हुन् ।

ती शिक्षकलाई शनिबार साँझ जिल्ला प्रहरी खोटाङको टोलीले खोटाङबाट पक्राउ गरेको हो ।

प्रहरीले एक छात्रा पीडित बनेको सूचना पाए लगत्तै पछ्याएको अनुसन्धानमा शिक्षकलाई पक्राउ गरिएको खोटाङ प्रहरीले जनाएको छ ।

प्रहरीका अनुसार ती छात्रामाथि गत फागुनदेखि नै शिक्षकले यौन शोषण गर्दै आएका थिए । लामो समयदेखि आफू माथि यौन शोषण हुँदै आएपछि बालिकाले सो कुरा बाहिर ल्याएकी थिइन् ।

प्रहरीले छात्रासंंग यस बारेमा सोधपुछ गरेर मुद्दा प्रक्रिया अगाडि बढाउने तयारी गरेको छ भने आज ती शिक्षकलाई जिल्ला अदालत लिएर म्याद थप गर्ने प्रहरीले जनाएको छ ।

प्रकाशित मिति: आइतबार, असार १६, २०८१ १२:१२